السلام عليكم
لا اله الا الله .،
سمعت معلومه وابي اتأكد من صحتها
انه اذا صاحبتي اصحاب الحظ السعيد ينالك شي من حظهم او بمعنى آخر يزين حظك ..
وعلى العكس اذا صاحبتي اصحاب الحظ التعيس يشين حظك
العلاقه ما اعرفها ولكن ممكن انه يأثرون عليك او الله اعلم ماني عارفه ايش بالضبط
المعلومه ماعطيتها اهميه ... بس بعد مرور كم سنه على زواجي لاحظت ان حظي قاعد يشين سنه عن سنه
الحمدلله دائماً وابداً .. في خير ونعمه من الله .. الله يديمها ...
ولكن اتكلم عن الناحيه الثانيه من الحياه
انا تزوجت وساكنه بنفس البيت مع اهل زوجي .. اهل زوجي بينهم وبين قرايبهم مشاكل وحوسه .. يعني متقاطعين مع بعض تماااماً ... لهم عدد بسيط جدا من المعارف يتزاورون معاهم ..
المهم من تزوجت وانا شوي شوي جالسه تتلاشى علاقاتي الاجتماعيه .. وين كنت قبل الزواج ووين صرت .. لا تقولون انا تغيرت او او .. بالعكس جالسه اكبر وافهم الحياه اكثر ونتعلم منها كيف نتعامل مع الناس .. ومع ذلك لاحظت كثير من اللي حولي بدأوا ينسحبون من حياتي .. احيان اقول فيني بلا ... افكر ؟ مافي شي .. مو امدح نفسي اكيد فيني اغلاط .. بس والله اني اراعي في كلامي بشكل ماتتصورونه .. ومستحيل اجرح او انتقد او امد عيني على شي خاص .. اتودد لهم امتدح اطفالهم واعطيهم وجه هههههه اذكر الله على كل شي وبصوت مسموع خبركم الناس توسوس من موضوع العين ....
مدري كيف اقولكم بس والله اني اتعامل مع الناس بكل طيبه واشوف غيري ومنهم في سني لا يقدرون الكبير ولا يساعدون ... انا حتى المواعين ارفعها مع الناس مستحيل احط رجل على رجل وست البيت تشتغل ...
بس مدري كيف والله احس كل مالهم الناس يبعدون .. فيه البعض ماغيرهم الزمان الله يديمهم .. ولكن الغالبيه مادري اشفيهم .. والله العظيم يوجعني قلبي مررره لما اشوف اللي كانوا من اقرب الناس لي صاروا ابعدهم ولا ينادوني ولا يسولفون معاي حتى لو شافوني بمناسبه..
اي حرمه في سن امي ابوس راسها حتى لو انها ماتقرب لي ... وبالمقابل وربي انه فيه بنات في سني وقحااات وينافخون ع الناس وينافخون على امهاتهم ومع ذلك والله ان حظهم قااايم اللهم لا حسد
هل معقوله عيشتي مع اهل زوجي وحظهم السيء أثر علي .. للمعلوميه اهل زوجي حظهم سيء في كذا شغله .. مو بس متقاطعين ...
فضفضه واتمنى من صاحبات اللسان الطويل يتكرمون بالخروج دون رد
بس فعلا الموضوع مضايقني وجارحني اتمنى تتفهمون
ياسمين88 @yasmyn88
عضوة نشيطة
يلزم عليك تسجيل الدخول أولًا لكتابة تعليق.
زهرة الاقحوان*
•
هذا كله صحيح باختصار موجود في حديث قاله الرسول صل الله عليه وسلم حامل المسك وانافخ الكير
ياسمين88
•
الله يجزاكم خير ماقصرتوا
بس انتوا تقصدون الشخص السلبي والايجابي
وانا اقصد الحظ السيء اللي الشخص ماله دخل فيه
بس انتوا تقصدون الشخص السلبي والايجابي
وانا اقصد الحظ السيء اللي الشخص ماله دخل فيه
بتول~
•
بنات من حظها حلو باخذ من حظوظها هههه امزح ..انتي قصدك الطاقه السلبيه واﻻيجابيه بس خانك التعبير ..
ياسمين88 :
الله يجزاكم خير ماقصرتوا بس انتوا تقصدون الشخص السلبي والايجابي وانا اقصد الحظ السيء اللي الشخص ماله دخل فيهالله يجزاكم خير ماقصرتوا بس انتوا تقصدون الشخص السلبي والايجابي وانا اقصد الحظ السيء اللي...
المثل يقول جاور السعيد تسعد
[Faith]
•
لما اقرا مشكله مثل مشكلتك احمد الله انه اخر همي الناس ..
واني مشغوله بنفسي واهتماماتي ولا الاحظ من جا ومن راح ..
بعض الاحيان شدة الاهتمام بموضوع وكثر تفكيرك فيه يعقده اكثر ، مثل المتأخره اللي ينصحونها ماتفكر في الحمل علشان تحمل ..
الزبدة لاتحملين الموضوع فوق مايحمل وحاولي تنشغلين عن التفكير والعبارات هذي "الناس يبتعدون عني " "فلانه تركتني" ، وهكذا ..
الشي الثاني لاتعطين الا وانتي مقتنعه ، ولاتعطين علشان تكونين علاقات ..
مثلاً مساعدتك لصاحبة البيت هل هو من باب مساعده ولاجذب للنظر واستعطاف علشان يقوون علاقتهم فيك؟
اذا المساعدة لوجه الله وانتي كذا طبيعتك حاره فاستمري وشي جميل ، اما انك تساعدين وتتوقعين الثناء والحب فلاتتعبين نفسك ولاتتسولين علاقه بهالطريقه ،
وهكذا في كل شي تسوينه للناس ، اذا سويتي سويه لوجه الله وبطيب خاطر لاتكلفين نفسك فوق طاقتها علشان الناس تحبك او تمدحك ..
وانا عموماً ضد العطاء الزايد ، اذا ماتمونين على صاحبة البيت فانتي ضيفه ومو ملزمه تساعدين ..
انتي الان شايفه انه العلاقات والناس سبيل سعادتك ، لكن لا ، غيري وجهة نظرك وابحثي عن شغلات تطورك كإنسانه سواء قراءه او دراسه اوحفظ قرآن ، بحيث تكتفين وماتعيشين نفسك في تعاسه علشان الناس ..
بالنسبه لاهل زوجك في مثل معروف يقول "جاور السعيد تسعد "
لكنه يظل شي نسبي ، ممكن تتأثرين بعلاقاتك السلبيه وممكن لا ..
وإذا جداً يهمك موضوع الناس ادعي رب العالمين يسخرلك الصحبه الصالحه ..
واني مشغوله بنفسي واهتماماتي ولا الاحظ من جا ومن راح ..
بعض الاحيان شدة الاهتمام بموضوع وكثر تفكيرك فيه يعقده اكثر ، مثل المتأخره اللي ينصحونها ماتفكر في الحمل علشان تحمل ..
الزبدة لاتحملين الموضوع فوق مايحمل وحاولي تنشغلين عن التفكير والعبارات هذي "الناس يبتعدون عني " "فلانه تركتني" ، وهكذا ..
الشي الثاني لاتعطين الا وانتي مقتنعه ، ولاتعطين علشان تكونين علاقات ..
مثلاً مساعدتك لصاحبة البيت هل هو من باب مساعده ولاجذب للنظر واستعطاف علشان يقوون علاقتهم فيك؟
اذا المساعدة لوجه الله وانتي كذا طبيعتك حاره فاستمري وشي جميل ، اما انك تساعدين وتتوقعين الثناء والحب فلاتتعبين نفسك ولاتتسولين علاقه بهالطريقه ،
وهكذا في كل شي تسوينه للناس ، اذا سويتي سويه لوجه الله وبطيب خاطر لاتكلفين نفسك فوق طاقتها علشان الناس تحبك او تمدحك ..
وانا عموماً ضد العطاء الزايد ، اذا ماتمونين على صاحبة البيت فانتي ضيفه ومو ملزمه تساعدين ..
انتي الان شايفه انه العلاقات والناس سبيل سعادتك ، لكن لا ، غيري وجهة نظرك وابحثي عن شغلات تطورك كإنسانه سواء قراءه او دراسه اوحفظ قرآن ، بحيث تكتفين وماتعيشين نفسك في تعاسه علشان الناس ..
بالنسبه لاهل زوجك في مثل معروف يقول "جاور السعيد تسعد "
لكنه يظل شي نسبي ، ممكن تتأثرين بعلاقاتك السلبيه وممكن لا ..
وإذا جداً يهمك موضوع الناس ادعي رب العالمين يسخرلك الصحبه الصالحه ..
الصفحة الأخيرة