والله ان هذا السؤال دايم أسأله ليه الوحده تتغير بعد الزواج خصوصا مع صديقاتها مع ان الرجال العكس تلقينه متمسك بأصدقائه وشلته والله أنا وحده من صديقاتي كانت مثل أختي من يوم ما عمري 3 سنين وهي صديقتي ويوم انخطبت جهزت معها وكنت أكثر من اخت لها ومرت سنه وعقب سنه من الزواج بدت تتهرب من الصداقة حتى قلت لنفسي يمكن زعلتها بدون ما أدري سألتها قالت لا ما زعلتيني شوي شوي زهقت من تصرفاتها وردودها البارده معي قطعت علاقتي بها وصارت علاقتنا رسميه اذا ولدت اتصلت ارسلت ورد أوجب معها مع العلم هي ما وجبت معي بشي ابد والله احيانا كثير أشتاق لها وأبي مشورتها بس للأسف . الله يسامحها .

( اللهم إنك تعلم حاجتي فأرزقني إياها)

المتزوجه ماهي داخله جبهه حربيه عشان تكون متأهبه ومستعده وتكون مشغوله على قولتهم ليش هي قاعده مع الرجال من الصبع لليل؟؟؟

انا صديقتي تزوجت من وقت ما انخطبت ما تبغى حد يكلمها وشايفه نفسها مع ان الرجال شايب كبير ومطلق مرتين وعنده حاله نفسيه
والله ما انسى كنت اتصل عليها دولي لانها مو عايشه بسعوديه من اقول الو لين اقفل السماعه ماعندها سيره الا عن زوجها وبصراحه مليت وطنشتها
تطلقت بعد 4 شهور وجلست مطنشتها لان مافيها خير من البدايه

كلنا عندنا الرجال ماعمرنا تركنا الي نعرفهم عشان بس تزوجت ليش المتزوجه تدخل الجنه والبنت تدخل النار!!!

هلا عــــــــــــــدت لكم ياااااااحبي لكم ولتفاعلكم *****


*************************************************

ستاسو - -
اشكرك على مرورك والحلوه عيونك
وصدق الله لايجيب القطاعه او الفراق
وانا معك في انك ماتتصلين عليها لانو انا مع صديقاتي المتزوجات هم
مااااااااادق لاني ماادري عن ظروفهم هي تدق
احسن لي ولهااااااااااااا

*************************************************
ديما 2006- -
هلابك اختي ربي يديم المحبه بينك وبينها وترجع علاقتكم شرات قبل
واحســــــــــــــــــــــــــــــــــــن يارب
واما على اللي ينسو ن العشرره فيا كثرهم في هالعالم
بس الاحسن اننا ننساهم مثل مانسوناااااااا ولانفكر بناس ماادري
وش تبي عقلياتهم
والا شو رايك ؟؟؟

**************************************************
اميره المنتدى - -<<ماارررررررروم عالثقه
والله احس ردك طالع من قلب
عشان جيه ماراح اعلق
بس اقووووووووولك كل الشكر لك مني والله لايلهينا الابطاعته جميعا

***************************************************
ورديه - -
على شو انغرررررت لايكون خذت جائزه نوبل
والا اكتشفت شي خطير <<مالقت شي تنغر عليه
اختي اسفه لاتزعلين مني بس جد مش لاقيه سبب لغرورها
وربي يهديها وترجعون مثل قبل واحسن
مع اني والا خلالالالالالالاص اسكت احسن

***************************************************
سحابه خير- -
اجل تشيلين هم اذا انخطبتي
اجل ناااااااااااااااويه اختي تسحبين على ربعج ربنا يستر منك
يااااااااخوفي اني اقرب لك <<<<اتغشمر ويااااااج
صاااادقه لابد من التغيرر بس في حدود
ودمتي محبه للخيرررر

***************************************************
عيون الغلا- -
حيهم اهل قطر كلهم
واااااااااااايد ضاق صدري على صداقتكم بس انتي ماتدرين عن
ظروفها الماديه يمكن لانها بالامارات انقطعت عنج
والله اسال ان يرجع علاقتكم كما كانت واحسن يارب
يسلموا عالمرور
***************************************************
ام سعود 11 - -
انتي الاحلى ياشيخه
اسعدني ردج واتمنى انو تدوم العلاقه مثل جيه واكثر ياررررب

***************************************************
Zoona- -
حياهم اهل البحرين كلهم
اجل ماصفى لك الا وحده صدقيني وحده مخلصه ابرك لج من الف
...................... –
ابدا لاتضيقين صدرك عليهم لانهم جد مايستاهلون
واللي يبيعك بيعيه وانتي ضميرج واااااااايد مرتاح
ولك شكري


ولـــــــــــــــــــــــي عوده :26:

انا صديقتي انخطبت بس ... خطبة كلام بس ..يعني ليلحين ما ملكت عسى الله يوفقها ...

بس الله يهديها من الحين ذابحتني ... تعايرني !!!! وتقط علي كلام !!! وتستهزأ فيني !!! اشدعوه عاد!!... ... مادريت شاسوي لها .. انا من طبعي ما أحب أرادد حد .. أو أرد بقلة أدب ... بصراحه قمت اكتم في قلبي واسكت ... واتجاهلها ...

الله يعينني اذا ملكت وتزوجت!!!

^
^
^


الله يعينك !!
في بنات الحمدلله والشكر كأنهم أول ولا أخر ناس تتزوج!!
يا أرض انهدٌي ما عليك أدٌي!!

وللأسف أنا صادفت بعض من هالنوعيات..