هل ضغوطات العمل تاثر على نفسية الزوج لدرجة انه مايتحمل بيته وزوجته ؟؟

مرحبا بنات سؤالي مثل ماهو واضح بالعنوان زوجي له اكثر من شهرين صاير عصبي ومايتحمل مني كلمه واي كلمه او مزحه مني تحوله لوحش وبعدين اذا هدا وبديت اساله واواجهه عن التغير الغريب اللي كل مره يتنرفز مني لاتفه سبب يقولي انا مضغوط بالعمل وامور ماتخصك وتحمليني طبعا انا متحمله لاني مجبوره اتحمل والله المستعان الغريب انه يروح للاستراحه مع الشباب للفجر وضغوطات العمل ماتاثر عليه ويجتمع بشاليهات مع اصحابه واموره معهم تمام يجتمع باهله ويمزح ويمزحون معه عااااادي الا انا يابنات احسه مو طايقني اذا جلس في البيت وقته كله على الجوال لاسوالف ولاشي يجي من الدوام ينام ويتغدا ويروح لاهله ويجي يجلس ساعه على الجوال عندي وبعدين يروح الاستراحه واذا قلت له نطلع يطلعني بس من دون نفس ودايم الطلعه تنتهي بهواش وهو الغلطان وبعدين كالعاده يجيني ويقول ضغوطات الدوام .... بس ضغوطات الدوام علي انا بس!!! مايطل بوجهي واحسه مو طايقني انا حاليا حامل وبصراحه الجماع وعذرا على الكلمه بدون نفس مني بس اعطيه حقه تعتقدون هذا السبب ؟؟ زوجي انسان غامض وغير صريح وله ماضي بالخيانات عشان كذا قلبي حاس بس ما ابي افتش من وراه لاني تعبت ولاعندي ظهر استند عليه غير الله سبحانه وتعالى بنات كتبت مشكلتي ابي نصيحه او كلمه منكم تريحني وتاخذ اجر ماابي كلام جارح لاني مجروحه بما يكفي