هل طبيعي الشخص يتعلق بأي أحد يقدره له بعد سنوات من الإهمال؟؟

السلام عليكم ورحمة الله وبركاته 
صباح الخير عليكم جميعاً
ودي أطرح موضوع عن أختي يمكن فيه ناس مروا بشيء مشابه أو يقدرون يفهمون شعورها ويقولون لي كيف اتعامل معها..اولاً إحنا تربينا في بيئة كانت قاسية نوعاً ما ومليانه بالنقد وممنوع ارتكاب الخطأ أهلنا يعني كانوا يعاملونا بنفس الأسلوب اللي هم تربوا عليه وكان فيه كثير من الكلام الجارح: مثل التقليل والتحطيم ووصفنا بأوصاف سلبية زي انتوا ما تعرفون تتكلمون أو بليدين وغيرها هالشي أثر علينا كلنا لكن أختي الصغيره كانت الأكثر حساسية بينناكانت تتأثر جداً بأي مشكلة تصير بين أمي وأبوي لدرجة إن تركيزها في الدراسة يتأثر وتدخل في حالة تشتت واكتئاب ومع إنها كانت مجتهدة إلا إنها كانت تحس إن مجهودها غير مقدر مع الاسف في المدرسة كانت دايم تشتكي لنا إن بعض المعلمات ما يعطونها حقها وتحس فيه تفضيل لبنات معينات (خصوصاً بنات المعلمات) حتى مرة تقول سألت معلمة عن سبب نقص درجاتها وطلبت تشوف ورقتها وكان رد المعلمة جارح وقالت لاتتوقعين اني بقارنك ف فلانه وفلانه وامشيك (كلهم بنات معلمات الي قالت عليهم) ودايم تلاحظ انه فيه مقارنة غير عادلة بينها وبين طالبات أخريات هالمواقف خلت ثقتها بنفسها شبه معدومة وصارت تتجنب الاحتكاك بالناس خاصة المتفوقات خوفاً من المقارنة أو الكلام بعد ما تخرجت من المدرسة ودخلت الجامعة درست عند دكتورة في أول محاضره لها تقول سألتني الدكتورة إذا كنت درست عندها قبل؟ قالت اختي لا هذه اول مره أظهرت الدكتوره إنها مو مقتنعة بإجابتها ( يعني كانها متاكده انها قد درست اختي قبل كذا) علماً وانه اختي سبحان الله تقول شكل الدكتوره مألوف لي وكاننا قد تقابلنا قبل كذا قلت لها عادي يمكن تشابه اسماء او اشكال لانها تدرس دفعات طبيعي تلاقي شبه بالشكل او الاسم قالت اختي ايوه بعض البنات تسألهم زي كذا بس انا كانت مصره اني درست معها قبل كذاالمهم ..أختي خافت من فكره انه يكون فيه تشابه بينها وبين طالبة ثانية مو كويسة او مسويه مشاكل مع الدكتوره، وتوقعت ان الدكتوره خلطت بينهم،، حكت لي السالفه انا واخوي وقال اخوي خلاص بسيطه حاولي تثبتين نفسك عندها وبتعرف انك مو نفس هذيك البنت وانها ملخبطه اذا انك خايفه..فقررت اختي تمشي ع كلام اخوي و تحاول تثبت نفسها لهامع الوقت الدكتورة بدأت تلاحظ جهد أختي واختي تقولنا كانت تتصرف معي بطريقه غريبه يعني لمن اكلمها ماتطالع فيني ولمن تشرح تتواصل بصرياً مع الكل الا انا حتى اذا جيت ابغى اكلمها احسها ماتبيني او كاني اذكرها بشخص هي ماتحبه حتى وقت تاخذ الحضور والغياب تحضرها بدون تنتظرها تقول انها موجوده زي الباقين ( بإختصار أختي فسرت كل ذا على ان الدكتوره تتحاشاها او تكرهها) بس ف يوم قالت لنا انه مدحتها قدام طالبات الشعبه كلهم وتقول معروف ان هذه الدكتوره ماتتحيز او تمدح اي احد او اي شي يعني تعامل الكل بعدل بس ذاك اليوم مدحت اختي على شي سوته..بالنسبة لأختي هاللحظة كانت كبيرة جداً لها أول مرة تحس إن أحد شاف تعبها وقدره بعدها صارت الدكتورة ماشاءالله ترشحها لدورات وجلسات حواريهومن الأشياء اللي زادت تعلق أختي في الشعور هذا إن الدكتورة أصلاً زي ماذكرت معروفة إنها رسمية جداً وما تسلم على الطالبات لكن كانت اذا شافت اختي تسلم عليها تحديداً وهذا خلاها تحس إنها مميزة ومختلفة عندهاوحتى مره قالت لي انه الدكتوره هذه كانت تتكلم مع دكتوره ثانيه( يبغون ينسقون وقت للاختبار وتحتاج محاضره الدكتوره الاخرى) وافقت الدكتوره الثانيه تقول دخلت علينا تعلمنا انه دكتوره فلانه وافقت تعطينا المحاضره حقتها عشان اختباركم ... تقول فجأه سكتت الدكتوره وطالعت فيني تقول أختي استغربت انها سكتت وطالعتني كأنها بتقول شي او تذكرت شي أختي تقول هزيت راسي بمعنى فهمت كلامك يعني بعدين رجعت تكمل كلامها لكن الاغرب ف ذا كله إن الدكتوره الثانيه الي طلبتها الدكتوره الاولى محاضرتها تغيرت حتى هي معها صارت تمدحها ع ابسط شي ومره تقول اختلفوا الطالبات ع جزئيه انه ماشرحتها الدكتوره ف الدكتوره راحت تسأل أختي انا شرحتها او لا؟ ومره تقول سألتهم الدكتوره تبغون تحلون ع السبوره؟ تقول بنت وحده بس ردت والباقين ساكتين واختي من ضمنهم قامت قالت الدكتوره لاختي انتِ تبغين ولا؟ علماً وانه فيه بنات شاطرات أكثر ومنتبهات اكثر بس مايسألونهم زي كذاخلاصه الكلام أختي مستغربه من تغير الدكتوره الثانيه لها كذا واهتمامها فيهالكن للأسف أختي تعلقت جداً بهذه المشاعريمكن أكثر من تعلقها بالاشخاص نفسهم ركزوا زيين بالشعور مو بالاشخاص وفيه فرق جداً كبيرقالت لنا انا واخواتي هذا أول إحساس حقيقي بالتقدير مريت فيه😞الموضوع ما وقف هنا… صارت أختي تنتظر أي كلمة مدح أو اهتمام من اي دكتورة، وتزعل لو ما انتبهوا لها أو ما اعطوها نفس الاهتمام قدام البنات أحياناً تحس إنها رجعت لنفس الشعور القديم إذا ما انمدحت كأن قيمتها مرتبطة برأي الناس فيهاوأنا بصراحة محتاره لأني أشوف إنها فعلاً تستحق التقدير بس بنفس الوقت خايفه إنها تبني ثقتها كلها على شخص واحد أو ع شي معين ولو تغير شيء تتعب أكثرسؤالي وش سبب تغير الدكتورات كذا معها فجاه؟وكيف ممكن اساعد اختي توازن بين شعورها بالتقدير وبين إنها تعتمد على نفسها وتقوي ثقتها بنفسها؟واعتذر على الاطاله اتمنى تعطوني نصايح لها والله عجزت انا وخواتي فيها للأسف احس يبغى لها ترميم من الداخل لان فيه اشياء كثيره منكسره جواها.