هل طريقة حياتي صح +صدمتي بزوجي

باعطيكم نبذه عن حياتي
انا زوجي مايخبي عني شي كل تحويلاته البنكيه وديونه وتقسيم راتبه يعلمني فيها حتى راتبه اعرفه كم بالضبط وكم ينخصم منه يعني مابيننا اسرار زوجي راتبه 15 يروح اقساط 7 يبقى 8 يعني خير من الله
باقول لكم كيف عايشه انا انسانه احب الاقتصاد بالبيت اطبخ ع قدنا اللي يبقى احطه بكيس بالفريزر بس أطلع لمنطقه فيها كلاب افرش السفره واحط كل بواقي الاكل بواقي الخبز انشفها للمواشي لما أجي اتقضى ملابس اروح للماركات المخفضه لبس طلعات وبيت اما الاعياد لا من الغالي المطبخ اقضي بالجمله علشان اوفر البيت الاحق اللمبات فاتورة الكهرب تجي بمبلغ بسيط ماعندي ماييكروييف ولا سخان مويه ولا اي اجهزه بالمطبخ ترفع الكهرب مشيت حالي ومشيت اموري ماراح اقول ان زوجي خطب علي مرتين لان مو موضوعنا وكان الكل يقول خليه يصرف جيبي وجيبي مارحمك ليش ترحميه
يابنات والله مااقدر تعودت عالاقتصاد هذا نمطي من قبل لاتزوج ودي ماقدر اطلب زوجي اشياء ماحتاجها زوجي مديون وكنت اقول اهم شي مايكون عنده دين واحثه يسدد اول باول الحين اتضح لكم اني مااطلبه او مو من الحريم اللي ميتات عالفلوس
اللي صار زوجي ينتظر فلوس انتداب من شهرين وكان كل يوم يقول ادعي تنزل وانا كنت اقول اول ماتنزل صلح حمام مجلسك لانه لازم وكنت كل مانزل مطر امسك عيالي واخليهم يدعو وادعي بسجودي انسى نفسي وادعي له بالرزق والفلوس
امس باليل جت رسالة البنك ان الفلوس نزلت وكنا دايم انا وياه ننتظر الرسايل ونفتحها واحنا متحمسين يمكن تكون الفلوس نزلت لما جت الرساله كنت متحمسه انط عنده باشوفها ميل الجوال علشان ماشوفها قلت باشوف قال رساله قديمه توها وصلت قلت طيب باشوف فتح رساله تاريخها قديم عرفت وقتها ان الفلوس جته
داوم الصباح ومرني علشان اطعم ولدي ولدي فتح الدرج طلع اوصال الصرافه يلعب فيها نزل زوجي للبقاله وقعدت اتسلى اقرى الاوصال الا وتاريخها اليوم انصدمت كان مسدد فواتريه وفواتير الكهرب رميت الاوصال بوجهه قلت هذي تاليتها من زمان نستى هاليوم تخبي عني وقعدت ابكي قلت مابغى منهن شي بس ليش تحسسني اني ميته عالفلوس وتخبيهم عني قال بسوي لك مفاجأه طلعت للبيت ابكي لحقني والله باسويها مفاجاه قال ابشري باحلى غدا قلت شايفني فجعانه عالاكل كثر الله خيرك وعلي بالحرام مايخش بطني ولا البس من فلوسك هذول تتهنى فيهن طبعا هو قايل لولدي الكبير ان الفلوس نزلت ووصاه مايعلمني ماسكين مفاجاه مفاجاه
اللي بيينا مو سنه سنتين بيننا 15 سنه انصدمت من حركته
سؤالي يابنات هل اغير من نمط حياتي انا السبب الرئيسي باللي صار خطب علي مرتين ولا تمت لاني باختصار ماكلف عليه ادبر اموري بابسط شي حتى بيتي ماقدر استقبل فيه احد قديم ومو مأثث
سلبيه انا ايه سلبيه كيف اتغير