هل طلباتنا كثيرة وقت الزواج ؟!!! .. من واقع تجربة عشتها

السلام عليكم

وصباح الخير لكل بنات حواء


بالنسبة لطلبات البنات وقت الزواج ..هل من جد هي تثقل كاهل الشباب <<< كيف الفصاحه بس .. :biggrin:

من واقع تجربة احنا عايشينها الحين .. أخوي على وجه زواج والحمدالله خطبنا له بنت الحلال الله يسعده وياها يارب

اخوي راتبه حوالي ال 8 الاف ( بسم الله ماشاء الله ) .. بالنسبة لرواتب الايام هذه يعتبر راتب عالي وجميل جدا لشاب ببدايته

لكن تصدقون يابنات ان المبلغ اللي جمعه مايكفيه للزواج ... مع انه اخوي مجمع مبلغ تقريبا 100 الف


مهر العروس 50 الف ... شبكة وهدايا قرابة ال 20 الف .. الملكة تكلفتها قرابه 10 الاف .. حفلة الزواج تقريبا 50 او 60 الف .. شهر العسل 20 الف ... اثاث الشقه 30 الف

غير اذا كانت فيه حاجات ثانية انا ماتذكرتها

اخوي الان يحتاج انه ياخذ قرض من البنك رغم انه راتبه عالي


هل المشكلة بطلبات البنات .. وكل وحده تبغى عرسها شكل .. وتبغى شهر العسل على اعلى مستوى

اوهي ظروف الحياة كذا

لانه من جد المصاريف مرررره عالية ... والشاب اللي مايحصل مساعدة من ابوه او اهله مابيقدر يقوم حفلة الزواج لحاله الا نادرا


قفلة اخيرة

تذكرت برودكاست بالبلاك بيري

الشاب لمن يتزوج .. يصرف على الملكة والزواج والمهر والشقة وشهر العسل وووو ....
البنت لمن تتزوج ... تستخير وخلاص


هههههههههههههههههههههه

الحمدالله على نعمة الانوثه ... :33: