beana @beana

عضوة نشيطة

هل على أمي ذنب بسبب هالفلوس اللي خذتها مني؟؟؟

بنااات انا حطيت من قبل موضوع عن امي وانها احياناً تستلف من خالاتي واحنا بناااتهااا مانرضى بهالشي وهي تدري ونعطيهاا عيونا لو تبي بس هي كانت احيانا تخجل تطلب اكثر من مره وهي عموما اللي عندهاا مب لها للبيت او لاخواني وخواتي الصغار وهي متعوده على اسلوب معين في الحياه يعني تصرف وماتخلي شي لها اي شي يعجبها للبيت او لنا حتى تشتريه بنااات انا شهرياً الحمدالله اعطي امي مبلغ معين 4000 آلاف ريااال وبطاقتي عندهاا وقت ماتبيها تسحب وانا معطتها اذن والضوء الأخضر مع اني اقل خواااتي واخواني كراتب هم يعطونها لكن بطاقاتهم عندهم يسحبون ويعطونها ومافي غيره او بعده خلال الشهر انا لا بطاقتي مخليتها عند امي وحتى بعض الأحيان للبيت كانت تتصل تستأذن مني وانا اعصب واقولها لاتستأذنين هاذي فلوسج وهي داايم تذكر هالشي لي فديتهاا وتحسه جميل وانا اشوفه شي من حقوقها كأم لأنها ياما صرفت علينا حتى بعد مايخلص مصروف ابوي كانت تشتري لنا اشياء كثيره وتحب تلبسنا كل حلو من فلوسها هي يعني معاشها واحنا صغار المهم بعد هالمقدمه الطويله بناات هالشهر طبعاً عطتها في بدايته المبلغ المعتااد وخواتي بعد وكان في التزمات اجتماعيه هالاسبوعين يعني زواج وخطوبه وكم حالة ولاده أمس امي اتصلت فيني وقالت لي انها تبي تدفع ونقصتها فلوس كانت رايحه تشتري مواعين لان جايينها ضيوف:angry:فتبي تكمل المبلغ من بطاقتي انا قلت لهاا يمه ليش تستأذنين والله العظيم بزعل اخذي اكثر قامت قالت قولي لأختج تسحب لانها كانت مستحيه تسحب اكثر كلمت اختي (مع العلم ان اختي معاشها اكثر مني بكثييييييييييير مشاءالله بس ماأعرف شاقول ) وقلت اسحبي لأمي اكثر من المبلغ المطلوب قامت اختي ال:icon33: سحبت لها 5000 انا يوم شفت الرقم بالمسج للحظه عوووورني قلبي يعني ان المبلغ يعتبر كبير واايد خصوصا اني كنت احاول اوفر للشهر الجاااي عشان شي مهم جدااا بالاضافه الى ان عندي التزامات للشهرين الجايين للحين احس في قلبي شي يعني من عدم الرضى يااارب ساامحني مع اني ووووربي انا دايماااا استانس واحب اعطي امي وهذااا ولالالاشي قدام اللي سوته وعطته طوول هالسنين بس لاني كنت اوفر هالشهرين بس هالشهرررين اللي ماكنت مستعده يعني ومسويه لي جدول اني ماصرف اكثر من مبلغ معين يعني مقتصده عشان التزاماتي والحين اخترب كل شي ومتضايقه من الوضع بشكل كبيرررر اخاااف ان امي تتآثم بسبب هالشي ويكون من قبيل حقوق الناس عليها بس مب في يدي ابعد هالشعور :44:

يلزم عليك تسجيل الدخول أولًا لكتابة تعليق.

تسجيل دخول

كتكووتة • 14 سنة

لا تخافين الفلوس عطيتيها امك وانتي في امس الحاجه لها الفلوس
صدقيني بإذن الله ربي بيعوضك
ومااشاء الله تبارك الرحمن على برك في امك
الله يعطيك ويرزقك اللي تتمنينه
تساهلي كل خير

summer123 • 14 سنة

الله يرزقك حبيبتي
و اختك الي سبحت المبلغ
ليش سحبت كل هذا ؟
ليش ما سحبت المبلغ الي امك تحتاجه و كملت الباقي بفلوسها ؟

الجيده • 14 سنة

ماشاء الله عليك

يابختك برضى أمك وطيب دعاها إن شاء الله

لا تندمين على شيء ربي يعوضك لانك نية طيبه

وأختك حارمة نفسها الاجر ..

@كــرز@ • 14 سنة

طيب حبيبتي انتي معطيه امك البطاقه والضوء الاخظر يعني ليه تاخذين في خاطرك هذه امك انتبهي من وسوسة الشيطان شكله

يبي يخرب عليك تعوذي منه عليه لعنة الله غيران وحاقد ليه تبرينها
مايبيك تكسبين الاجر يبي يثير الخصومه ولقا مدخل اعوذبالله منه

واللي تعطينه امك راح ربي يعوضك اكثر منه وايجزاك خير الجزاء

أخت مفرح • 14 سنة

تبارك الرحمن ياغالية
الله يجعلك تتهنين ببر عيالك بعدين

كم اتمنى اسوي كذا مع امي وابوي بس ياحسرة لا وظيفة ولاشي

استمري ولاتتضايقين ربي بيعوضك
الله يكتب اجرك بالدارين