هل علي ذنب بالي حسويه واذا اي وش الحل ؟

السلام عليكم ورحمة الله


كيفكم بنات ، ادري مكثره هرج هاليومين ابي اعرف اذا علي ذنب او لا ؟ الي تشوف لا تتجاهل احتاج رايكم 😢


انا قد حطيت لكم قصتي مع امي قبل وكل شي كان يصير بينا قبل وبعد زواجي .. ملكة حماتي " اخت زوجي" يوم الجمعه وعمتي قالت ان هي بتشوف مين مناسب وبتعزم فقلت ما اتدخل بهذا الشان وطبعاً انا ما كنت بعزم الا خالاتي " السبب بنت خالتي صاحبة حماتي من المتوسط ما حبيت تيجي منها وما تيجي العزيمه من بنت خالتهم " المهم ما اعرف اذا عمتي
عزمت امي او لاا ولو شفتها محسلم عليها
لان زوجي مخيرني ومحلفني بالله بينه وبينها ولو اشوفها ما اسلم عليها وهو مع حق لان زي ما قلت لكم بقصتي وش سوت فيه


والي ماقرا قصتي اول بقولكم باختصار مره عشان ما اطولها عليكم 😢


عندي امم تكرهني وتغار بشكل جنوني والسبب ابويا الله يهديه ومع اني اشوف ماله داعي هالغيره ابوي عشاني بكره من البنات يحبني بس يحب خواتي كمان المهم وانا ياخذ راي بكل شي فحياته واهم قراراته يستشيرني انا واخويا الكبير "البكر"
امي كرهتني بشكل والله من يوم ما اعرف نفسي وهي بعيده عننا كل ثلاث شهور وهي عند اهلها المهم وما رباني غير جدتي الله يسعدها
المهم حضرت زواجي عشان تاخذ كل هديه بتجيني وكثير من اهل ابوي توعدولها لو زعلتني " لاني غاليه عند الكل والكل يحبني ويشوفني طيبه ومحترمه " ووحده من بنات عم ابويا تمون عليهم كلمت امي قبل زواجي وقالت ما تسوي شي ليا وما تزعلني لانو بيزعلونها وبينكدون عليها .. مر زواجي على خير وكل كلمتها تقول والله انتقم منك وجد وبلف ودوران مرت الايام رجعت لابويا وكل مره تحاول تكره زوجي فيني وكل مره تفشل
اخر شي لقت فرصتها لما شريت قميص طويل " غايتي منه لما اجيهم او اروح لاهل زوجي كنت اوقات ابات عندهم مع ان شقتهم مقابله لي بس من الميانه وحبهم لي ولاني صغيره امه تخاف علي اجلس لحالي " استغلت الفرصه وجات قدامه قالت شوف بنتي وش اشترت وتضحك قدام ابويا وهو يضحك " زوجي" وقالت له بنتي عجوزه تبي فازلين وتلبس تنوره وتغطي بغطاء عجايز واخر شي اشترت قميص طويل اقولها يا بنت تدلعي لزوجك تقول انا حره وكيفي انا وياه وهنا الصدمه الي خلتني ما انطقق قالت لزوجي " انا للحين اكشخ لعمك والبس القصير وادلعه" الي تبي توصله تطلقني من زوجي وهي تاخذه معليش تقولي وش خلاك تفكري كذا بقولك ان هي لها كم ردة فعل تغار مني وانها تتمنى انسان يدلعها زي زوجي ولو مو حرام كان اخذته وانا ضرتها عادي ودايم قدام ابوي تقول شوف زوج بنتك وش يسوي لها ويدلعها .. وكاني البنت الوحيده الي تزوجت واختي متزوجه واصغر مني ما تتجرا تسوي وتقول كذا لها ...


طولت بالقصه 😢


المهم يا بنات انا بقابلهاا يوم الجمعه هل علي ذنب اني ما اسلم عليها ودي افشلها عشان تعرف قيمتي لان كذا بتعرفها ومافي غير هالحل وزوجي قال لو شفتيها وسلمتي عليها وتصالحتو تحرمي علي وانا احبه ومستحيل اعصي اوامره ...


هل علي ذنب او لاا ؟؟


وادعولي انا منقطعه عن خواتي بسببها واشتقت لهم حيل وهي تتمنى الكل يكرهني ، ادعو اني اقابل خواتي الصغار الي كبرتهم على يدي نفسيتي زفت دونهم واشتاقلهم اكثر لما اشوف اخوات مع بعض ولا بنت صغيره افتكر اختي الي عمرها 3 سنين وابكي واشوف فديوهات لها عندي وابكي 😭😭
الله يجعلني التقي فيهم متقطع قلبي على شوفتهم 😢😢😢


اسففه طولت عليكم ابي ارائكم حبيباتي ولا تطنشو والي ماعندها راي تدعيلي بس الله يسعدكم 💞💞💞💞💞