السلام عليكم ورحمة الله وبركاته
طبعا كالعاده موضوعي رح يحذف:06:
وعلى الرحب والسعه الشكوى الى الله
المهم
الي عندها جوال بي بي
ياليت تتأكد من رقمpin
من الكرتون والضمان ونفس الجهاز
اناتوني شاريته اول يوم بالاجازة الي فاتت
واحتجت اني اوديه يتصلح ومن السناعه قال رجلي بوديه اكسيوم
منيب مبربس في محلات بنقاليه يلعبون فيه
المهم الصاعقه الاولى الي جتنا قال موظف المحل
اصلا هذا مهوب على ضمانا:32:
ليييييييش؟؟؟
قال ضمان اكسيوم لازم يكون مختوووووم من نفس الشركة
وانا من وين اجيبكم تختمون لي؟؟
قال انت اذا اشتريته من عندي ازيد عليك 200-300 ريال واختم لك الضمان:icon29:
يعني مايصلحونه وعيوا يرجعونه لنا وحاسونا
الصاعقه الثانيه
لما وافق زوجي انه يصلحه على حسابنا ومالنا حل ثاني اصلا
رجعنا للبيت وللأسف ماتنبهنا نتاكد من رقم جهازنا :22:
اصلا ما استخدم وما بعد فعلنا الخدمه فيه
من جدته
اتصل زوجي على المحل من بكرة يسألهم وش صار وبكم يصلحونه قال له الموظف
رقم الجهاز غير رقم الضمان:o
هذي والله النشبه:icon28:
اصر زوجي عليهم وتهاوش معهم مارضى ياخذه
يوم رجعوه لنا والا فيه بلاوي غير الي كانت فيه يوم نعطيهم اياه
الزبده
رحت واضفت الرقم الي عندي حق الكرتون والضمان بجهاز ولدي
والحمدلله جاني قبول
وطلبت من الشخص اشوى صار سعودي وعربي:hahaha:
المهم طلبت منه يتاكد من رمزالجهاز ويطابقه على الضمان والكرتون صار مهوب نفسه:35:
مسكين حسيت اني ضيقت صدره
لكن لازم صراحه نتأكد من تطابق الارقام لانصير مخفات ونستسلم لهالشركات تلعب بنا
ياليت كل وحده تتأكد من جهازها وتقول لنا وش صار معها
ولو نكتب شكوى نقدمها لهم ونحط ارقام اجهزتنا الملخبطه ونوقفهم عندحدهم:16:
دفاية زيت @dfay_zyt
محررة
يلزم عليك تسجيل الدخول أولًا لكتابة تعليق.
دفاية زيت
•
ماشاء الله عليكم محد عنده؟؟
الصفحة الأخيرة