هل غلطت بحق مرة اخوي ؟؟؟

السلام عليكم ورحمة الله وبركاته
وجمعة مباركة على الكل يارب
بنات ابي تعلموني اذا غلطت بحقها والا لا لاني ماكنت اقصد وربي بس من خوفي عليهم
السالفة ان اخوي جاني البيت وهو أصلا كل فترة يمر يتقهوى ويسآل عن إخباري ويروح المهم انه قال أنهم بيسافرون هو وزوجته وعياله صغار دولة أوروبية وانهم مخططين من اكثر من سنة على هالسفرة وخلاص يوم الأحد بيسافرون انا نصحته يكنسلون السفرة من الأوضاع اللي بأوربا هالايام ويروحون دبي كم يوم رفض في البداية بعدين اقتنع وربي مو قصدي حسد بس من خوفي عليهم وحدة من صاحباتي مبتعثة تحكي لي عن المضايقات اللي يتعرضون لها هالايام وان الأوضاع ماعادت مثل اول واسلم للواحد يجلس ببلده ويسوي له برنامج ترفيه والا يطلع بلد خليجي كم يوم يغير الجو لكنننن عندي إحساس بالذنب بسيط أني خربت عليها تخطيطها لكن مثل ما قلت من خوفي عليهم شرايكم
واللي يحفظكم ويسعدكم بدون ردود جارحة لاني مو ناقصة واللي تعطي رأيها باحترام احنا هنا عشان نساعد بعض ماابي اندم اني نزلت الموضوع تكفون