اضحك الله سنكم

مواقف طريفه وتراها ما تنسي

حتى انا صار مره عندي موقف تذكرته اليوم

كنت رايحه عرس ... ولما خلص العرس طلعت برى ادور سيارة زوجي ( هذا قبل ما اتعلم السياقه بنفسي ) المهم ... سيارة زوجي لونها ابيض

شفت اكثر من سياره لونها ابيض .. انا حافظه رقم سيارة زوجي

وطبعا انا مغطيه وجهي كيف بعرف الرقم

رفعت الغشوه شوي عن وجهي ( متخيلين ) ولفيت بوجي على كل ارقام السيارات

لين عرفت الرقم :icon28: ( وياليتني عرفته صح ) في اختلاف رقم واحد بس انا كنت متوتره

لان المكان فيه رجال .... اللي جاين ياخذوا حريمهم

لما قربت من السياره عشان افتح الباب قالي الريال اللي فيها ( مو سيارتكم )

فكروا كيف عرف اني مو زوجته ولا اخته ؟؟؟

المهم بعدها شفت زوجي يعطيني هرن قوي ... وخذ يا تهزييء على كيفك

( يا العمياء .. وش ذي الحركات وووو )

جواب السؤال ( تراني رافعه الغشوه ومحد ومشافني )

والله مواقف ... فشله بس تبقى في الذاكره

اسعدني مرورركم يا الطيبيين

تحدث في احسن العائلات على قولتهم

بس انا عاد اعظم انا مع اني سويت نفس الحركة بس مع سيارات اخواني ومعانا يكون احد فالحمد لله يعني فتحت الباب اللي ورا مرة كانت فيه حرمة وعيالها وتخرعوا مني

والمرة الثانية لا قعدت في السيارة وجا اخوي يركض فتح الباب وقال لي قومي فشلتينا


جاكم الاعظم الحين

اول يوم رحت استلم وظيفتي واقفين كنا عند مكتب التعليم قسم الرجال وانا في السيارة وزوجي داخل يخلص الاوراق .. الا ينفتح الباب اللي جنبي وعجوز يبي يركب السيارة ... المسكين من نقزتي وفزعتي اظنه مو بس تفشل .. زين ما راح فيها

المرة الثانية عاد هذي اعظم بعد

كنا عند المخبز ونزل زوجي يجيب الخبز والسيارة تشتغل وانا فيها مع ولدي الا الباب اللي جهة السواق هو اللي ينفتح ويركب وشوية وبيحرك السيارة التفت جهتي والا المسكين ينزل من السيارة مو شايف دربه طبعا الموقف ما اخذ ثواني انا هالمرة تخشبت مكاني زين نغطي وجوهنا لان وجهي صار مثل اللوح وفاتحة فمي مو عارفة اقول شي

بس مواقف ما انساها ابدا

ههههههههههههههه

فعلا مواقف حلو الحين بس بوقتها فشيله

طيب اسمعو هذي


كانت أختي طالعه من زياره وكان زوجها مستنيها بس من زحمة السيارات كان قدام شوي مب عند الباب

طلعت حضرتها ودخلت أول سيارة في وجهها وقعدت وسكرت الباب وسلمت بدون ماتطالع في وجه السايق

إلا تقوله <<<ناويه على الشر :mad:

إنت الحين ليش ماترد السلام إلا الرجال يطالع فيها وهو ساكت مستحي

وهي تشوفه وصرخت :eek:وقالت أعوووووووووووذ بالله من الشيطان الرجيم << الحين منو الشيطان خخخخخخخ

وانعمت عينها تخبط في الباب كل جهه مالقت المقبض عشان تفتح وهو يقولها هنيه اختي هنيه

ولين لقت المقبض علق ثوبها في شي في السيارة وكملتها خخخ

وانبطحت في الأرض جنب الباب هههههههههههههه هي وعبايتها هههههههههههه
هذا كله وزوجها يسوي نفسه ماشاف شي:35: هههههههههههههههههه

ويوم وصلت عند زوجها شافته ريلاكس ع الآخر عبالها ماشاف شي وقالت أشوه ماشاف شي

حتى هو مسوي نفسه عادي ما كأنه فلم صار ورا سيارته خخخخخخخخ

بس كانت متوتره ...

وبعد شوي صدمها قالها الحين عبالج أنا ماشفت الفلم :booo: خخخخخخخخخخخخخخخخخخخ

والله مواقفكم تضحك

أنا مرة كنت في السيارة أنتظر زوجي عند السوبرماركت
وفجأه أسمع الباب ينفتح وحسيت قلبي توقف من الخوف <<<<خوافة بكل جدارة
وكان شاب يريد يفتح الباب بس انا كنت مقفلة الابواب عشان أولادي
وبعدين شفته راح السيارة اللي ورانا

ومرة أختي وزوجة أخوي في السيارة ينتظرن أخوي
بعدين دخل رجال وجلس ولبس الحزام بعد <<<< الاخ ملتزم بالقوانين
ولما شاف زوجة أخوي قفز من الخوف ويبطل الحزام ويركض
وشافوه راكب سيارة نفس سيارة أخوي لونا ونوعا <<<<<<< يعني نفس اللون والنوع