هل غلط اعالج نفسي ??

• بسم الله الرحمن الرحيم

أنا باختصر مشكلتي حملت مره وسقطت وحملت بعدها بسبع شهور وصار خارج الرحم عشت فتره عصيبه بالمستشفى خصوصا أن ما عندي خلفيه عن هذا النوع من الحمل ما قد سمعته حوالينا وأنهم راح يضربوني ابره كيماوي عشان يموت المهم لا أخفيكم تعبت نفسيا لكن ماكنت أظهر هذا الشئ كنت أظهر اني قويه صرت اتفزز من نومي وانا بالمستشفى قلق من مصيري هل راح ينفجر وادخل عمليات أو راح ينتهي بالابره ..وانا طالعه من المستشفى صرت اسمع كلام من زوجي انتي ماتصلحي تحملي انتي عندك مشاكل بالحمل هذا زود الهم علي بدل مايساندني ويوقف معي وكأنه لي يد بالموضوع المهم لهيت في الدوام وصرت أقرأ كثيييير عن الحمل ومشاكله مدته خمس شهور أنا كان قصدي اني اتثقف وصرت أقرأ قصص حوامل مره أخاف ومره اتطمن على حسب كل قصه مادريت أن هذا الشئ راح يأثر على نفسيتي وكنت مقرره بعد ست شهور من حملي الاخيره راح أحاول الحمل لكن لما قربت المده صرت متوتره شوي وسمعت في جلسه حريم وحده تجلس تسولف عن الولاده وأنها موت وأنها اكتفت بعيالها الثلاثه وتجربتها المريره أنا ب اثنا الجايه حسيت بخوف قلت ي بنت مالك دخل فيها كل واحد وتجربته بس الخوف زاد عندي دخلت بحاله قلق وعدم استعداد رحت للبيت وانا احاول أمسح كلامها من رأسي جا زوجي واحنا نايمين قال أصدقائي يسألوني ليش ماعندك عيال للحين قلت أنا ليش ماقلتهم اني حملت مرتين والله ماكتب قال لا علمنا أن الآن لي متزوجه سنه وسته شهور بس حسيت بضغط وهم من كلامه حاولت انام ما قدرت اتفزز رحت للحمام وجتني نوبه هلع عن الحمل وطاريه صرت أفكر لا مو وقته أنا ابغا اجيب ذريه بس الأفكار تدور برأسي تقول لا ...صرت إلهي نفسي يومين رحت جيت خلاص دخلت الدوامه بالليل إذا جا النوم تجيني وحشششه ماانام واطلع للصاله أجلس أدور ليش وش فيني وش جاني وتزود حاله الهلع وصرت مانام المهم مابينت لزوجي أبدا كلمت ابوي وجلست افضفضله وقلت أنا ما بي حياتي تتوقف وتسؤ واروح لمشايخ ورقاه اللي ما عندهم غير الوهم ابغا اروح لطبيب نفسي ابغا اعرف وش فيني رحت للدكتور امانتا يوم رحت له وقلت حالتي وجلس يضحك ويقول انتي حالتك بسيطه وهي نوبه هلع وراح تروح مع الدوا صحيح اني متخوفه من العلاج لكن أنا بين أمرين يا اخلي حياتي توقف والغي الحمل من بالي أو أعالج نفسي وأفكاري واهيئ نفسي وانا ابي نصائحكم ووش رايكم باللي سويته طبعا زوجي مايدري أبدا لأن تعرفون مو كل الناس واعيين ومتعلمين ومتفهمين ودعواتكم لي