والله ياقلبي موكل كبير عاقل واعي بقولك سالفه ان شالله تفهمين قصدي منها


انا ابدرس بمنطقه بعيده عنا تمام وفيه نقلين لمنطقه هذي واحد عمره تقريبا 40والثاني شاب26المهم ابوي اختار الكبير علشان انه بنظره اامن من الشاب بس والله ماكذب عليك ان الشايب طلع راعي مغازل وحركات وقز وكلام لين طفشنا بعيشتنا انا والبنات اما الشاب عاقل بمعنى الكلمه ولا يرفع نظره والشماغ والبس الرسمي ماينزله اما الشايب مربي الشعر ويتكشخ ويتميلح ويجيب لنا حلى وخرابيط المهم شفتي الفرق بينهم ولا لا

حياتي ..
انت غللللللللللطانه وايد
و مثل ما انت فسرت يمكن بسبب فقدانج الاب ..

صدقيني انج لو خذتي و احد عمره من 35 الى فوق بتندمين .. وعندي الاسباب :
1/ يا بيكون مطلق او معرس قبل و اذاماكان:
2/ ما بيحب الدلع و الين الي تتمتع به اي بنت في سنج
3/ بتندمين لانه ما بيتحمل اي شيء غير الى في صالحه
4/ تفكيره هب مثل تفكيرج
5/ بيكون عايش وايد فما بيحب يستانس و يعتبر انه خلاص مب مال سنه

بالعكس حبيبتي انت يوم بتاخذين شاب بيدلعج و ادلعينه يحبج يوم تتغلين .. توقفين وياه و اتشدين من زره و تنصحينه في الازمات .. اتكونين انت ووياه الي تبنون حياتكم الخاصه ..



تحياتي


لا اله الا الله

اختي اخذي انسان بكبرك
لان الانسان الكبير بيكبرك معاه وبيمنعك من اشياء كثيره
والرجل الكبير تحصلينه يا اما مطلق او متزوج او عنده مشكله
اما الشاب يكون طاير فيك ويبي يدور فيك الدنيا ودايما يحب يطلع معاك وتبدي معاه الحياه من اولها خطوه بخطوه اما الكبير دايما يسفه فيك ودايما يشوفك باستصغار
انا عكسك تماما اتمنى حتى لو اخذا اصغر عني مب مشكله بس حتى ما ابيه اكبر عني لو سنه مو حلوه بالمره ..

الله يهديك
الحين انتي تتبطرين عالنعمه لانج تشوفين عمرج صغيره باجر بتكبرين بتتحسفين على كل واحد خطبج والله العظيم
ياماما حلات البنت تتزوج وهي صغير باجر عيالج يكبرون وانتي كبيره
ولما تتزوجين الحين بتاخذين راحتج بالانجاب عندج فتره طووويله تتحكمين فيها بالعيال وتربينهم احسن تربيه مب كانج متسرعه تخافين تمشي الايام وتنتهي معاها ايام الخصوبه فتيبينهم ورا بعض ما تتهنين ولا ريلج يتهنى وحتى عيالج ياخذون الحنان منج

ياماما سيري توكلي على اول انسان يتقدم لج ولا تنسين الاستخاره اهم شي
لا تغترين بجمالج
لان في وايد جميلات اغتروا بجمالهم وبالعكس صار حظهم اخس شي لانه رب العالمين يمكن يعاقبج على غرورج

فانتبهي لنفسج عدل حنا هني خواتج ونخاف على مصلحتج

مايجوز تردين خاطب علشان أسباب تافهة .. انت محاسبة على ذلك أختي ..
ثم إن 21 لست صغيرة بل هو العمر المناسب للزواج ..
عزيزتي كثيرات يتمنين الزواج بعد فوات الأوان ..
ثم تأكدي أن هنالك الكثير من الشباب ممن تفكيرهم يفوق أعمارهم .. ومنهم من هو كبير في السن لكن عقله صغير ..

توكلي على الله ..
وفقنا الله واياك..

توتو018 مشكوره ياقلبي بس والله مواسباب تافهه انا قد انخطبت لواحد شاب بس احس ان العيشه ذي ماراح تستمر يعني من وانا صغيره وانا اقول ماراح اتزوج الا كذا ولما انخطبت لشاب صغير حسيت اني مو قادره اكمل معاه عشان كذا انا كتبت موضوعي بس حبيت اشوف راي خواتي