هل غلط اني حكيت هي الجمله لحماتي

هو موضوع بسيط بس كتير بفكر فيه اذا غلط مشان ما اكرروا مره تانيه.
هي حماتي طيبه وانا بحبها.
بس كتيير دلوعه. يعني بتدلع كتير مشان يمكن نحزن عليها مش عارفه. حتى زوجي قال. امي بتدلع.
اكتر من موقف. يعني مثلا ابن عم زوجها مات. قالوا لازم انا اروح مع زوجي المهم روحنا والتقينا مع اهلو وجيت اسلم على حماتي. صارت. تعمل حالها تبكي. بينوا مشان اعزيها بس انا ما عزيتها فسكتت. وما كملت بكى. مش عارفه اذا عادي لانوا ما حسيت انوا الميت قرابتها. بس لما تدخلت عزيت اهلوا للمتوفي. مع اني اصلا مش بعرف حد.
واي شي بصيبها مع انوا عادي جدا حتى بصيبني انا مثل تشقق الجلد بسبب البرد تحكي شكلي رح اموت. بينوا مشان نحزن عليها.
وثلاث شي مرتين نامت عنا. واحنا مشان تغير جو بنطلعها. المهم كل ما نطلع ومشان ننزل بتعمل حجه انوا بنتي نايمه وبتقول خليني بالسياره. كتير بنقهر منها. دايما اصلا بنتي بتنام بالسياره زي باقي الاطفال وبس نوصل مشوارنا بنصحيها. واحنا كل طلعتنا مشان حماتي مش معقول نتركهم بالسياره واروح انا زوجي. واخر مره لما حكت نفس الكلام. من قهري حكتلها كان ضلينا بالبيت. انا اضايقه اني حكيت هيك وحسيتها. انقلب وجهها شوي وقالت طيب صحوها قصدها عن بنتي
واخر شي. في شي كتيير بضايقني وصرت بكره اروح عندهم. وبهكل الهم انوا شعر بنتي خفيف نوعا ما. وبطيء نموا. كل زياره. لازم نفس الحكي. انا بعمل الي علي. وحتى تعت الصالون الي يتقص الشعر قالت لا تقصي لبنتك. لانوا كل ما بقص بحس شعرها بخرب. وحماتي كل ما تشوفني ضلك قصيه وضلك حطي زيت ودايما نفس الحكي يعني الواحد بحكي مره واتنين لا لازم كل ما اشوفها نفس الكلام ما بدي بنتي تكبر وتتحسس من الكلام هدا طبيعت شعرها.
معلش بنات بدون هجوم وحزازيات. بدي اعرف كيف اتعامل مع مثل هيك مواقف. لانوا بصراحه يعتبر لدار حماي كانوا اول سنه بتعامل معهم لاني كنا مسافرين والان استقرينا فصار في مواقف اكتر من قبل


-

وفي شي تاني. بعيد عن حماتي


سلفاتي. للان بضل افكر فيهم. وهدا الشي مضايقني وحاسه بظلم. في وحده الفت كلام عني. لسلفتي التانيه وانا كتبت ىالمشكله قبل وحكتولي انها بتغار وابعد عنها. وواجهت التانيه واتصافيت مع التانيه ولكن زوجي طلب اقطع اي صله معهم. وفعلا رقمي والفيس اتغيروا وما حكيت مع اي حد فيهم. بس حاسه انوا ما اخدت حقي من سلفتي وحتى زوجها الي بضل يدافع عنها واكيد عارف مرتوا. حسبي الله عليها. حتى علاقه زوجي مع اخوه مش كتير اوكى بسببها.
اخر مره لانوا عارف انوا زوجتواىغلطت حكى لزوجي انت عارف السلفات مستحيل يحبوا بعض مشان ما يبين انوا زوجتوا غلطت
. بس انا متاكده لو صار موقف بالعكس كان عمل مشكله
وللعلم انوا عامل حظر لرقم زوجي بين عنا بس بعدها بفتره برجع يتصل فيه لانوا ببين عندوا زوجي اتصل


شو اعمل يا بنات مشان اشيلها من تفكيري