هل غيرت الروضة شخصية طفلك /معدل

عزيزتي يشرفني اكون اول وحده ترد على موضوعك
وحالك من حالي والله بس انا عمر ولدي 3 سنوات ناقص اسبوع
ولاصق فيني مره بشكل جنوني
وما عندي غيره ،، وراي على طول ليل ونهار واذا رحت المطبخ يجي وراي
او حتى يجيب العابه ويقعد قدام باب المطبخ
ومستحيل يرضى يروح مع اي انسان خواتي اخواني اي احد من غيري
حتى لو رايحين كلنا مع بعض مستحيل يدخل الاصنصير من غيري يجن جنونه
وافكر ادخله المدرسه بس اقول بدري السنه الجايه اصلا اجباري عليه من 4 سنوات
ما ادري ان شاء الله البنات يفيدوكي ويفدوني

انا نفس الحاله

ميلاد ولدي 27/7/1427

ومتعلق في هو واخته الصغيره غير عن الكبار مو كذا

قبله بنتين ينامون في غرفه مستقله واعمارهم سنه ونصف والثانيه 6 شهور

اما الولد عمره 4 سنوات ينام معي واشيله لغرفته ويصحى آخر الليل ويرجع معي واخته الصغيره مثله

السنه هذي درسته في الروضه وباشوف وش يصير

طبعا تعب ماينام بدري ولا يصحى بدري وكل يوم مكافات وهدايا والمعلمه تقول انه يضربها اذا لمست اغراضه

لكن قلت باجرب الاسبوعين الجايه اذا استمر ومشى ولا باخليه في البيت

وعنده بعد مشكله الحمام احيانا يسويها على نفسه ومايروح الحمام وهذا اللي مخوفني

المكان الوحيد اللي ينساني فيه اذا كان يسبح في البانيو ياخذ العابه ويلعب هناك

اما طول اليوم وراي هو وقشه واخته

أولا شكرا لمروركم وعرض مشكلاتكم
ثانيا وي والله نلاقي حل عشان نقدر نتصرف معاهم حتى الحج السنه هذي ودي ومناي اني حجيت لكن مررررررره مافي أمل والسبب ولدي وتعلقه الشديد كيف أروح وأتركه الله يفرجها علي وعلى كل أم تعاني مثلنا ويارب يتغيرون ...

لا صدقيني راح يتعلم الادب والنظام ....
اصلا يجي مافيه حيل من اللعب خليه لاينام .......وبعد المغرب طوالي نوم راح ترتاحين ...بس كانه صغير مره عالروضه

الله يحفظهم