قليلات ادب ؟!

فسري لي وش معنى قلة الادب؟

في شي اسمه حلال وهو حلال ومن حق اي انثى انها تمارسه
سواء اعتبره المجتمع قلة ادب ولااي كان

وفي شي اسمه حرام
اعتقد دائما ان القيود الاجتماعيه عبأ كبير
اعتقد دائما ان ديننا شامل لكل كبيره وصغيره
واننا لانحتاج لامجتمع ولاعادات ولا تقاليد تحكمنا
مادام ديننا الاسلام اللي شمل الصغيره قبل الكبيره
قلة ادب!!
للاسف كلمه سائده وغالبا لاتحمل اي معنى
اعتقد انها دائما تمثل فكر الشخص اللي يقولها
يعني في شي انا اشوفه قلة ادب
وغيري يشوفه ادب واخلاق

خلاصة كلامي
دائما قبل ان اعمل اي تصرف انظر اليه من ناحيه دينيه
اذا هو حلال اذن بسويه سواء كان في نظر المجتمع قلة ادب او مقبول
واذا كان حرام ماراح اسويه حتى لو كان مقبول اجتماعيا

قلة الادب متفاوته تختلف من شخص لاخر حسب التربيه وحسب الوازع الديني وحسب عادات وتقاليد المنطقه اللي عايش فيها الشخص نفسه والمحيطين فيه
مثلا بنت تبي تشتغل وماحصلت الا مكان فيه اختلاط وتبي تترزق الله واهي صاينه نفسها ولابسه لبس محترم وخلوقه اييون ناس مايسمحون لبناتهم خير شر يشتغلون الا في مدرسه ومدرسة بنات بعد يعني فشنو بيقولون عن هالبنت الاولى بيقولون قليلة ادب معنها ماسوت شي حرام وحده تبي تشتغل في مكان عام تترزق الله ولابسه لبس ساتر وتكلم اي فرد حسب اخلاق وادب الدين الاسلامي هل تقعد بالبيت ويصرف عليها من قال عنها قليلة ادب من غير حق!!!

نفس الموضوع ينطبق على سياقة السياره ناس ماتبي بنتها تسوق خير شر تيي بنت منقبه وتسوق سياره بالشارع تقضي اشغالها يقال عنها بانها خرجت من الحياء طيب ياللي قلت فيها تعال سوق ووصلها مشاويرها مشكلتنا نصبنا انفسنا قضاة على المجتمع وكل فرد فيه ونسينا انه بشر نصيب ونخطي

الامثله كثيره

معنى الحياء قبل مختلف عن الحاضر اختلاف تام
ولازال في حياء في الاجيال القادمه والحاضره والسابقه لكن لبسوا النظاره ولا تعممون خواتي لكن نشوف كذا بنت تلحق شاب او تحوس بالاسواق وتغازل والا تدخن سجاير وشيشه بمقهى ونقول هذولي بنات اليوم مو مقياس انهم الجيل الحالي كله فاسد مثل ما كان الجيل القديم ايضا مو كله صالح لكن مشكلة الجيل الحالي وجود الانترنت والاجهزه اللي تنشر وتضخم الفضايح وتنشرها بشكل واسع وبالتالي كلمن يقول الجيل كله فاسد لو كان الجيل القديم الحياء كله يعرف الحياء ماكان فيه بنت او امراه بالسجن ايامها


والرك على التربيه منو ربى هالتربيه الهابطه في بعض الاسر !!!!!! اهم انجبوا نفسهم !!!هذا زرع الجيل السابق واللي قبله

البنت من حقها تشتغل وتدرس وتشارك بالمجتمع مهندسه طبيبه صحافيه معلمه باحثه قانونيه الخ تواجه الحياة بحلوها ومرها عشان تشيل نفسها ولا تعتمد على اي انسان حتى زوجها في كثير من الامور لانه مو دايم لها وللاسف انصاف الرجال كثروا هالايام بالتالي ليش تكون بوضع المستكينه الضعيفه اللي ماتتحرك الا بوجود رجل في حياتها هل لمن تعتمد على نفسها وتكافح وتشارك بالمجتمع بجراه تحسب لها مو عليها تكون قليلة ادب !!

كلامك والامثله اللى كتبتيها ياحسبى الله صحيحه

يعنى مفهوم قله الادب نابع من العاادات والتقاليد
اللى تختلف من منطفه لمنطفه وبلد وبلد وحتى كمان من حى لاخر

مثلا السعوديه مناطق كثير وكبيره كل منطقه لها عاداتها وتقاليدها
ماتراه العائلات فى المنطقه الغربيه(مثلا) عادى
قد تراه عائلات فى مناطق اخرى(الوسطى مثلا) عيب
والعكس صحيح

مثلا
لازالت عائلات ترفض ان البنت تقابل خطيبها(بعد الملكه)
وبعضهم يفرضو عليهم انه يشوفها بالبيت بوجود اخوها او امها
وبعضهم يشوف انها تقابله لوحدها طالما زوجها حتى لو لسه ماتم الزفاف
وبعضهم يسمحو لها يتقابلو ويتكلمو تلفون بس مايخرجو مع بعض مطاعم
وبعضهم يسمحو لهم ينفردو ببعض وبعضهم يشوفوها قله ادب

اذا البنت طلعت مع خطيبها( بعد الملكه) واثثت بيتها مثلا معاه
ممكن عائلات فى مناطق اخرى يشوفها قليله ادب
لانه حتى لو زوجها المفروض تستحى !!
فى عائلات يستنكرو ان العروسه ترقص بفرحها
وعلى الكوشه ويشوفوها جرئه وقله ادب


فى بنات خاضو ميادين العمل المختلفه وتعاملو بعمليه
ويعملو مثلا فى مجالات مختلفه وقد تكون مختلطه بادبها واخلاقها ودينها
هذه البنت ممكن هى واهلها وكل من يتعامل معها فخور فيها
وممكن ناس ثانين لهم عادات اخرى يشوفوها جرئه ووقاحه وقله ادب

فى عائلات يشوفو البنت اللى تروح السوق تشترى
حتى لو حاجات ضروريه قليله ادب
وفى عائلات عادى

فى بنات يعتمدو على انفسهم فى قضاء احتياجاتهم واحتياجات ااهلهم
اذا فى معاملات او اعمال لظروفهم
فى ناس يقولو وقاحه وقله ادب
وفى ناس يقولو برافو ماقعدو بحاجه احد


فى بنات هم اللى يسددو فواتير اهلهم ويشوفو مصالحهم
احتياجات ومعاملات اهلهم لان الاولاد لاهين مع زوجاتهم ومو فاضين
خروجها هذا قله ادب؟؟ ولا وقاحه؟؟
ولا المفروض تشحذ الجيران يقضو مصالحها ومصالح اهلها؟؟

امثله كثر من الواقع ومن الحياه نفسها وليس مجرد كلمات او مقالات
تخلينى اقول برافو على اغلب بنات اليوم
اللى ابدا ماشوفهم قليلات ادب


هذه مجرد امثله فى غيرها كثيرا

ماهو مفهوم قله الادب المقصود بالموضوع؟؟
وهل فى وعى بالفرق بين قله الادب وبين الجراءه والقوه؟؟
هل فى وعى للفرق بين الحياء الفطرى المفروض فى كل امراءه
وبين قله الحيله والضعف السلبى ؟؟

ايش هو اللى قله ادب عشان نحكم ان بنات هذا الزمن قليللات ادب او لا ؟
عشان يكون النقاش ضمن الخط الصحيح والمقصود

في كل مكان هناك الزين والشين واصابع ايدكم ما هي سوا ....

لان البنات المحترمات واللي يستحون من ظلهم ما نشوفهم تعرفون ليش لانهم محافظين على نفسهم وما يطلعون من بيتهم الا للضروره واللي نشوفه الحين ما في الا البنات اللي للاسف اللي تتباهى بجراتها وعدم حيائها عشان كذا احنا نقول ان بنات هالوقت ما يستحون ....

انا اعرف بنات كثير والله انهم يستحون حتى من ابهاتهم واخوانهم الاولاد انهم حتى يتناقشون معاهم .......

فعلا الجيل هذا حق (الطعش) على قولتهم يعني اللي لسه طالعين من البيضه 14 و15 و16 ومستعجلين على الدنيا احس قل فيهم الحياء جدا الا من رحم ربي..................