انا تركت كل شي وركزت في كلامك ...حاطه مجهر على حياتها ومركزه معها مره ,مالك دخل فيها هي واياه
اذا ما تحبين تتدخل بحياتك لا تتدخلين بحياتها
مايجيها بالاسابيع ...ما شأنك ما دخلك بس افهم ,ترى مو من الاخلاق
يجيها مره في الشهر يجيها مرتين في السنه ما يجيها ولا مره في ايش يفيدك ولا يضرك
لا تقارني نفسك فيها ,عشرة العمر الي بينهم كبيرة ,في زمن انت ماكنت فيه ,ما اريد اجرحك بس في نسوان ثانيات تحسب انتصار وشطارة اذا ما يروح للاولى او تركز في حياتها (وش سوت وش فعلت .كلمها .اتصلها .نام عندها )
ما تدرين وش بينهم ما تدرين وش الي وصلها لكذا ..البيوت اسرار ..ركزي في نفسك كيف يحبك وكيف تتبعلي له مالك دخل فيها !

ااااه😌ردود البنات راح تزيد تضيعيك الي تقولك لو كان يحبها ماتزوج عليها والي تقول لك مالحب الا للحبيب الاول.
😑
هي ممكن الحب الاول والعشرة تلعب دور مثل قصة زواج الرسول صلى الله عليه وسلم بخديجة رضي الله عنها.
رغم وفاتها ضل وفيا لها. حتى لما قالت له عائشة رضي الله عنها أبدلك الله خيرا منها (تقصد نفسها) قال لا ..وذكر محاسن وفضائل خديجة رضي االه عنها.
ولكن هذا لايدل ان الرجل لايحب بعدها فالرسول صلى الله عليه وسلم احب عائشة رضي الله عنها وكانت من احب الناس اليه..
يعني قضية انه يحب الاولى يعني مايحبني لا قلب الرجل يتسع لاربع نساء🙂كل وحدة لها مكانتها ونسبة من الحب..
من وجهة نظري المفروض والطبيعي ماتدخلين نفسك في هذه الدوامة .لما تتعاملي مع زوجك تعاملي معاه كأنه لك لوحدك.هالمقارنات راح تأزم نفسيتك وترجعين نكدية ويهرب منك.
شوفي اعرف رجال تزوج على زوجته برضاها اعرفها شخصيا.
والله ياأختي دمها بااارد وواثقة من نفسها مليون يجي عندها تعامله معاملة طيبة وناسية سيرة الثانية نهائيا.عكس الثانية رغم انها صغيرة منها وعندها مميزات لكن والله ان ثقتها مهزوزة ودائما متوترة وخايفة لما اجتمع معاهم الاثنين اشوف الاولى تسولف وواثقة من نفسها وتفرفش الجو والثانية قاعدة على اعصابها ولما احد يمدح الاولى تتنرفز .
وخصوصا لما اهل زوجها يمدحون الاولى او يسوون شي لها
تتثور 😡
كم مرة قلبت الجلسة لحرب مع اخوات زوجها بسبب غيرتها المفرطة ومقارناتها الفاضية
..
وتدرين ان الزوج يميل ويمدح الاولى🙊ويقول الثانية نكدية وداىما تنبش ورى المشاكل.
والاولى الكل يمدح حكمتها ورازنتها وماتنزل لمستوى المقارنات والمضاربات.
الخلاصة ياقلبي
انسيها من دماغك وعيشي حياتك.ولا توسوسين كثير
..
عامليه بالحسنى وكوني دائما فرفوشة ومصدر مرح ونشاط وراحة لاتصيرين نكدية.
لو مايحبك ماكان يمنعك تنامين عند اهلك.دليل انه يحب قربك ويستانس بوجودك.
والله يوفقك عزيزتي💙

نصيحه لاتتبعين حياتها وتراقبين وش يعطيها وش مايعطيها خافي الله حتى في امورهم الخاصه عارفه كلل شي نصيحه انشغلي بعبادتك وصلاتك واشغال يدوية احسن لأن المقارنة وتتبع الغير تجيب الهم وبكيفك

الرجال يحبكم كلكم لكن كل وحده بصوره مختلفه هي عشره عمر معه وام عياله وانتي قلتي مريضه ولمن كانت بصحتها كانت باره بامه فهو يعزها ويقدرها ويردلها الجميل ويبغاها ترتاح وانتي كمان يحبك بس بصوره ثانيه والدليل يقولك لاتروحي لاهلك وتنامي عندهم كثير فهو يبغاك جنبه ويفقدك ومع العشره والعيال بيزيد تعلقه فيك بس انتبهي كل شوي تساليه وتقارني بينك ووبين ضرتك كذا بتغثيه منك ويعافك خليك بحالك ومهتمه ببيتك وزوجك وصدقيني يحبك بس الرجال اغلبهم مايحبون يصرحون بس افعالهم تبين والله يوفقك ويهدي سركم

وش علاقة يكبر حبي يوم يتزوج علي؟
جعل حبي مايكبر اذا بالزواج