شامبو هيربل :

مو شوط مو كل الأخوات عسل فيه اخوات يبطون التسبد بقولكم عن اخواتي انا كنت يتيمة الأب وصرت يتيمة الام ومالي احد في هالدنيا الا هالاخ الواحد وثلاث اخوات علاقتنا ببعض كانت ممتازه يوم جاء هالسنه انقلبت الدنيا بِسْم الله في غمضة عين ومرضت ودخلت المستشفى واخوي واخواتي وقفو معي كنت أقول الحمد الله على نعمة الأخوات الين مره زارتني اختي الكبيره ووجهها منقلب وماتطالع في وجهي حزنت واستغربت قلت في نفسي وش فيها سألت اخواتي وش فيها يقولون ماندري المهم مرضي ماكان بسيط كان شي قوي قلت في نفسي يمكن احد مضايقها ولا تهتميت وطلعت في بيت اهلي الي اختي الثانيه ساكنه فيه وماعندها الا بنيتها وشغالتها والسواق وقعدت عندها أسبوع بعدين رجعت بيتي ثلاث ايّام بعدين زوجي سافر لمهمه ثانيه تخص دوامه قلت مو مشكله قال ماابي اخليك لحالك لعدة أسباب وبذكرها انا ماعندي احد وكل الي ساكنين معنا مشغولين بدواماتهم وعيالهم ودراستهم وانا انسانه انسى وماعندي احد يساعدني انا مااقدر حتى اروش نفسي او اسوي اكل لنفسي والله يكرمكم استفرغ وأنسى وماامشي الا بعكازه الدواء والدكتور مكرر كم مره اهتمي في الادويه حتى مويه مااقدر اجيب لنفسي كل شي زوجي يسويه لي ولاعندي مكان اجيب خدامه المهم تو مالي الا يومين جايه بيت اهلي يابنات بيت اهلي واختي ماعندها زوج ولا حتى أولاد المهم ويوم كنّا العصر انا كنت قاعده في المقلط وبيت اهلي ماشاء الله دورين وكبير جت اختي الكبيره وبنتها سلمت عليها وبالغصب تسلم انا استغربت بس قلت يمكن احد مضايقها المهم رجعت قعدت في المقلط وهي في الصاله تكلم وبنتها راحت فوق عند بنات اختي الي هي في بيت اهلي من زوجها الثاني وجت قعدت عندي وساكته انا كنت اناظر جوالي الا شوي قالت لي هالحين انتي ورا ماتروحين بيتك انا نزلت الجوال والف علامة استفهام في وجهي يابنات وقسم بالله ردي كان عادي ومافيه قلة أدب قلت لها يااختي فلانه زوجي مسافر وهاذا بيت الجميع عند مين تبيني اقعد من بيناظر آكلي وعلاجي انا وحده زي ماانتي شايفه مااقدر أوقف ولا اساعد نفسي المهم وتروح في الصاله وانا مااهتميت وناظر جوالي كنت اسولف مع زوجي لانه كان يكتب لي ويتطمن علي وماجبت له طاري ابد وقعدت اضحك ومبسوطة وعادي ماهتميت من كلام احد ولا شلتها في قلبي وقتها الين جت وتسب وتلعن فيني وتنعتني بكلام بذيء ولو اختي الي انا في بيتها مامسكتها ماادري وش كانت ناويه تسوي وانا ماذكرت من المرض التنميل والخدران الي كانت تجيني في هذيك الفتره رجولي تصير مثل الخشب ومن شدة الزعل رجليني صارت خشب واصلاً انا وهي طول عمرنا قريبات من بعض المهم راحت وجتنا اختي الثانيه هي وبنتها قلت لهم السالفه اختي هاذي قالت كلمه وحده طيب ليش سوت كذا معك والله يهديها وراحت وقعدت بنتها قلت بس جاني الفرج لازم اعرف ليش سوت كذا واقعد اسحبها بالكلام الين اعترفت ان بنات اختي الي في بيت اهلي الأربع الي مايجون الا في العطل عندهاوالي أصلاً هم عايشين عند ابوهم رايحين لأختي هاذي ومعبينها ضدي ضد وحده مريضه تحتاج رعايه وزوجها مو موجود والي يموت من الغبنه ان اختي الكبيره الي جايه تطردني ومدلدله أذنها البزران الي أصلاً مالهم دخل يحكون جعل ألسنهم القطع اول ماتعبت جتني تبكي تقول منيب مخليتك وجت أخذتني من بيتي لبيتها وكلمت زوجي بعد وقعدت عندها شهر انا ماهمني كل هاذا الي يهمني ليش يوم صرت في امس الحاجه لهم سوو كذا انا في ظرف صعب زوجي مو موجود وانا وحده مااقدر اساعد نفسي واطيح بعد وياما طحت حتى من الكنب وماعندها و من بكره وبنات اختي الي في بيت اهلي راحو من بكره بعد السالفه بعد البلبله الي سووها وكلمني زوجي وعلمته قال انا بخلص شغلي اليوم وبكره بأجي أخذك وفعلاً هاذا الي صار من بكره رحت بيتي في أمان الله ليش البلبله والاكشن ماادري وصرت ماعاد اروح حتى جمعاتهم الا نادر مره وأروح عشان امهم الطيبه الي استقبلتني عندها وشالتني عن الارض شيل ماراح انسى معروفها طول عمري وعشان اخوي وزوجته وعياله وبنات اختي الكبيره فقط اما الباقين ماعاد لهم أهميه عندي ولا في حياتي خاصة اختكم الكبيره من كلامها قالت انتم اخواتي اكس عليكم طيب يااختنا الكبيره طيب يالي يوم توفت امي تقولين لي انا امك الحين لو امي عايشه ماتخليك تسوين كذا بأختك عشان كلام ولقافة وبزران غارو عشان امهم تهتم بخالتهم المريضه الي تحتاج رعايه وهي في ظرف صعب يوم قلت لزوجي قال لي مالك دخل في احد انتي ماتسوين شي لاعيب ولا حرام انا حتى يابنات هذيك الأيام الي كنت بصحتي ويعافيتي وامي كانت حيه الله يرحمها ماكنت اروح الا زيارة الجمعه وحتى بؤ زوجي مسافر اقعد في بيتي منها سافر ست شهور كنت وقتها اقدر اهتم بنفسي ماعندي مشكله زي هالحين وبس هاذي السالفه

مو شوط مو كل الأخوات عسل فيه اخوات يبطون التسبد بقولكم عن اخواتي انا كنت يتيمة الأب وصرت يتيمة...

sweeetbdoor :

معليش يا اختى هذي الدنيا الأخوات بالعافية والزواج والغنى لكن لا تمرضين لا تتطلقين لا تفقرين ولا تجلسينن على قلوبنا درس قاسي انتبهي على عافيتك وزوجك وبيتك الله لا يجعلك تحت رحمت احد

معليش يا اختى هذي الدنيا الأخوات بالعافية والزواج والغنى لكن لا تمرضين لا...

sweeetbdoor :

معليش يا اختى هذي الدنيا الأخوات بالعافية والزواج والغنى لكن لا تمرضين لا تتطلقين لا تفقرين ولا تجلسينن على قلوبنا درس قاسي انتبهي على عافيتك وزوجك وبيتك الله لا يجعلك تحت رحمت احد

معليش يا اختى هذي الدنيا الأخوات بالعافية والزواج والغنى لكن لا تمرضين لا...