هل فعلاً الرجل يأتي بالعين الحمرا؟

السلام عليكم 
اخواتي انامحتاره ومستغربه صراحه وابيكم تفسرولي ردة فعل زوجي. 
انا مشكلتي بالحياه اكره أن اتصنع وماأحب اخبي مشاعري سوااءا مشاعر حب او مشاعر زعل. 
يعني اذا حبيت الانسان اضحي واسعى عشان يكون مرتاح. ولكن بنفس الوقت ماأحب الي أحبه يستغل هالنقطه فيني. واكون شديده اذا حسيت باستغلال و الي بقلبي ع لساني  ومااتردد بلحظه اني اقوله عيبه بالوجه. 
المهم ،،،، انا وزوجي صار بيننا نقاش عن موضوع فيه مستقبل وارتفع ضغطي انه مايفكر بمستقبلنا  ومايهتم لهالامور ويفكر بيومه بس. وفوق هذا يتهمني بأني ماأفهم في الحياه  ولما وصلت ان حوارنا كان عقيم فانقهرت وبكيت من الحوار الي كان كله معاير. فقمت اقوله الي بقلبي وجرحته وقلت بنتك بكره بتتفشل منك لانك دايم ماتفكر صح ولاتفكر ببكره وماندري عن الظروف لو نتشحد الناس عشان نعيش وبنتك  بتكرهك لانك السبب وسبيت فيه يابنات وقلت كل عيوبه . عاد هو الا بنته يحبها مره وجيته ع الجرح وحمر وجهه وخفت يعطيني كف بس مسك اعصابه وحلف انه ماراح يبت بالشغله الي طلبتها منه والي كانت مفيده لمستقبلنا وسبني اني مااستحي كيف ارفع صوتي عليه.  وطلع. 
لحد الان عادي وممكن يصير بأي بيت. 
لكن الغريب،،،، انه لما رجع البيت سلم على راسي واعتذر وحط يده بيدي ووعدني انه ينظر للموضوع. وصار له كم يوم مطيع لي بدل ماينفر مني.لاني انا اكره هالطبع فيني واتمنى ماطلع عن طوري اذا عصبت واقول كلام ماله داعي. انا جرحته بس كيف راضاني ؟ خايفه منه لايكون براسه شي. 

ولاحظت عليه اكثر من مشكله تصير لما اكون ساكته ومحترمه يزيد عناد. ولما انا اعصب يهجد. 
مدري اذا الرجال كذا والا زوجي غير.