هل فعلا فيه نقص بحياتي الزوجيه ؟؟ والا كل هذا بسبب.......؟!!!

السلام عليكم ورحمة الله ..

كيفكم بنات

عندي استفسار وابيكم تقولون لي هالحياه طبيعيه او فيها خلل او نقص وتقصير..؟

بالنسبه لزوجي انا غيوووره جدا لدرجه اني اغار علييه حتى لاراح لاهله وطول عندهم بالاضافه الى اذا طلعنا للسوق مابيه يناظر ولا بنت حتى لو هي متستره اخاف يعجب فيها بعد وبسترها
وبرضو عند التلفزيون هو يحب افلام الاكشن والمغامرات واحيانا تطلع بنت لبسها مايعجبني ابدا وانقهر موووووووووت اذا شفتها طلعت وهو يتابع
وابغاه جنبي علطوول ويسولف معي علطووول ونطلع دايما مع بعض لو باليوم 4 مرات عادي عندي
وطووول اليوم ماابيه ينشغل عني بشي حتى لو يصلح اي شي باليبت متعطل مثلا ..
يعني ابيه عندي وجنبي دايما دايما ..يكفي روحته للدوام ..
لكن هو طبيعته معي لو 5 دقايق او 10 دقايق يسولف معي بعدين يروح لشي ثاني تلفزيون او لابتوب او عند اهله
ويطول بهالشي وانا انقهر ليه معاي يسولف 10 دقايق بس ..؟؟
ولوطلعنا مع بعض صح طولنا ساعتين ثلاث اذا رجعنااالبيت علطوول يروح عاللابتوب او التلفزيون يمارس هواياته اجي انا اقول اقعد معي شووي
يقول تونا كنا مع بعض طول العصر والمغرب
ماادري هالشي طبيعي عند كل الازواج والا فيه نقص بحياتي مع زوجي ؟ هل هو مقصر معاي؟ بجلسته معي ؟
والا انا غيوره بزياده وابيه لي بكل لحظه وجالس معي؟
ودي افهم وماني عارفه