هل فعلا معاي اكتئاب ؟؟ طمنوني

السلام عليكم ورحمة الله وبركاته

شلونكم خواتي ....... اكيد تذكرون موضوعي من كم شهر لما كنت حامل عن الماء الزائد عندي حول الجنين

واني كنت خايفه كثير ان الماء ياثر على الجنين بس الحمدلله بفضل الله ثم القران الكريم وكلامكم قلبي اطمئن على ولدي

والحمدلله جبته مثل القمر .. الحمدلله والشكر لله الذي لايستحق الحمد والشكر سواه

والحين بعد الولاده بااسبوعين حسيت بصداع رهيب وضيقه مو طبيعيه بعدين الالام في عظام الجسم كله

وارتفعت عندي درجة الحرارة رحت المستشفى عطوني مسكن وانخفضت الحراره وسووا تحاليل طلعت سليمه

بس الالم في عظام جسمي والضيقه لازالت موجوده ومااشتهي اكل ولااقدر انام

ورحت لمستشفى ثاني قالوا مافيج شي رحت لمستشفى ثالث قال الدكتور انتي سليمه اكيد في احد مزعلك في البيت

ورحت لمستشفى خامس قال الدكتور كل شي سليم انتي فيك اكتئاب ولاده وعطاني دواء للاكتئاب وخفت حالتي شوي وبعد اسبوع رجعت حالتي رحت لمستشفى ثاني قالي دكتور الباطنيه انتي سليمه ولازم تروحين لدكتور نفساني لان معاك اكتئاب ولاده

وبالفعل رحت للدكتور النفسي وعطاني نفس العلاج السابق حق الاكتئاب وقال استمري عليه ولازم تطلعين من البيت

والحمدلله حالتي تحسنت مع بقاء الالم قال الدكتور بعد فترة كل شي بيروح بس عقب اسبوعين احس الحاله رجعت لي وحالتي صارت سيئه رحت للدكتور من يومين قال لازم تصبرين وان شاء بتتعافين بس بعد فتره

" مع العلم اني رحت لدكتورتي حقت الولاده وقلت لها كل شي قالت لي انتي محسوده وقلت هالكلام للدكتور النفسي وقال هذا مو اختصاصها انتي معاك اكتئاب وهالشي تمر فيه نساء كثير في العالم انتي مو اول حاله "
..................
بناااااااات الله يخليكم مين تعرف وحده مرت بنفس حالتي وتعافت لان الدنيا صايره سوده بوجهي احس اني ماراح اطيب صار لي شهرين على هالحال اختربت حياتي كلها لااقدر اشيل ولدي ولاانيمه دايم عند امي ولااقدر اقوم بواجبي مع زوجي وعلى طول بكي ونفسيتي كلش

بناااات طمنوني اتمنى منكم تساعدوني وتطمنوني مثل ماطمنتوني بحملي

ولاتنسوووني من دعائكم بهالايام العظيمه