هل فعلا وصلت الي مرحلة الجنون انصحوني قبل ان انجن

السلام عليكم

بنات انا اليوم الوساوس زادت عندي حدها لدرجة اني
قعدت ابكي واصيح واضرب بيدي علي راسي
لان انا فيني وسواس افكار وادعي علي كل من منعني من العلاج واهملني
واولهم زوجي وتراه مو متهني بحياته بسبب ديونه لاهو مخليني اروح اتعالج بالطب النفسي ولاهو موديني المستشفي العادي كل يوم ياجل علي الاقل اسوي لي تحاليل شامله

 مهمله بيتي ونفسي وبناتي وكرهت كل شي بودي لو اطلع كل يوم وامشي واتمشي واشم هواء واشوف شمس علي فكرة انا فيني نقص فيتامين د والشمس زينه لي 

وطبعا انا رحت بدون علم زوجي لطبيب نفسي وعطاني علاج واستمريت علية كم شهر وتحسنت اشويه بس ماكملت لان تكلفت العلاج مكلفة بالنسبه لي لاني غير موظفة وزوجي اذا طلبت منه اكيد بيقولي شتبين بالفلوس 
وعلي فكرة نصحني الطبيب باني امشي برا بالممشي نصف ساعه علي الاقل كل يوم بس وين اللي يودي اهو مشاوير الطبيب ما وداني علي الاساس بيودي ممشي

الله لايبلا احد بهالمرض وبعد نسيت ما اقول لكم طلبت علاج من ام عماد وطبعا زوجي ما يدري لان ما يومن بخرابيط الحريم مسوي نفسه اسكت 
المهم افلوسي راحت علي لاهي واصله للمرة والمكتب يقول المبلغ انودع بحسابها وما ادري شاسوي بعد 

ملاحظة زوجي يدري اني تعبانه بس ما يدري انه فيني وسواس يحسب اني متلبسني جني الحمدلله والشكر 
لان سبق وقلت له وسواس انكر وقعد يصارخ علي انتي ما فيكي شئ ومن بعدها اغلقت الموضوع

وعلي فكرة دايم اول ما اقعد من النوم احس بتوتر وقلق واحس بحارج هل هو معده والا قولون والا من التفكير

بنات انصحوني واسوني تري اليوم اشوي وانجن بنات كتبت لكم بعد ما بكيت بشدة وطلعت كل اللي بقلبي
واسفه علي الاطاله