السلام عليكم ورحمة الله وبركاته
عندي مشكله معذبتـني نوعا .. امي أحبها واغليها والله يخليها لنا لكن يصدر منها تصرفات ماتعجبني واتمنى اصارحها فيها بس هي من النوع اللي مايتقبل اي نقاش او نصيحه ودايم تشوف نفسها هي الصح واحنا الغلط حتى لو هي غلطانه وتكابر .. من قبل ماأتزوج وامي كل ماشرت لي شي حتى لو ( اسخف شي ) تقولي انا شريت لك وانا فعلت لك وانا حطيتك لك وانا دفعت المبلغ الفلاني لك وانا تعبت لك واحيانا تقول ( ماتستاهلين ) .. يعني امي اللي هي رمز الحنان والعطاء بدون مقابل واللي يكتبون فيها الشعار تمن علي وانا ماحب هالأسلوب ( المن ) وخاصه من الأم .. تزوجت واهلي سووا لي زواج كبير قالت لي احنا دفعنا لك وعملنا لك وشرينا لك بقيمة كذا وخسرنا مبالغ كذا ( طيب انتو أهلي مين يصرف علي يعني ) وانا دايم تكون ردودي الله يعطيك العافيه والله يخليك لنا ومشكوره .. وبداخلي اقول اتمنى انك ماسويتي لي شي وماأبي منكم شي ولا أقدر اقولها لاتمنين علي .. طبعا حتى بعد الزواج اذا اعطاني ابوي هديه او مبلغ تتدخل مع ان الفلوس مو فلوسها وتقول كلام ماله داعي مثل احنا شرينا لك وجبنا لك والهديه اللي اعطاكياها ابوك بقيمة كذا وووو .. وانا بداخلي أقرف وودي اقولها والله ماأبي هدايا ولا يحزنون لأني ماأحب اسمع هالكلام .. حتى الدعاء صارت تعلمني فيه :confused: تقولي انا دعيت لك بكذا وكذا وانا دايم ادعي لك وانا قلت كذا وكذا .. طيب اللي يدعي بينه وبين نفسه او يقول الله يوفقك ويسهل عليك وتدعي لي بينها وبين ربها مو تعلمني .. حتى مره رحت لها انا وزوجي وقالت يافلان انا ادعي لك وانتي ادعي لك يعني تشكروني الله يجزاها خير بس ماله داعي التصريح .. وبعد ماطلعنا قهرني زوجي قالي والله امي تدعي لي انا واخواني بس ماتعلمنا وحزت بخاطري وهذا اللي صاير فعلا .. واتعب لما اقارن امي بأم زوجي لأن أمي منانه وتجرح بكلامها بينما ام زوجي حنونه وتشيل عيالها على روسهم ومعطاءه بلا حدود بدون ماتقول انا سويت لكم وحطيت لكم وخدمتكم .. طيب الأم أم رمز الحنان والعطاء والحب بدون حدوووود والمفروض ماتمن على عيالها لأنهم عيالها وانا أم مستحيل مستقبلا اقول لعيالي انا شريت وسويت لك ووكلتك وشربتك لان هذي وظيفتي انا وقبل ماتصير وظيفتي فطرتي كأم اعطي بلا حدود ولا أمن على عيالي بشي اسويه لهم .. بالأخير اتمنى ترشدوني للصواب ولأفضل الحلول وكيف اتعامل مع شخصية أمي ؟:time:
يلزم عليك تسجيل الدخول أولًا لكتابة تعليق.
طيب ايش فيها لو صارحتي امك
احسن شيي واهم شي لاستمرار العلاقات بكل حب هو المصارحة
احسن من الشيل في القلب والتراكمات
احسن شيي واهم شي لاستمرار العلاقات بكل حب هو المصارحة
احسن من الشيل في القلب والتراكمات
الصفحة الأخيرة
اعتقد قصدها تفهمكم انها تحبكم وتدعي لكم
كثير من كبار السن يقولوها عادي
اما الهدايا عادي قولي لها بطريقة لطيفة
قولي لها ادري يمه ومن غير ما تقولي تجيبوا لي الغالي دائما
ولو كلمتك عن العرس قولي مشكورين انتو اهلي لو ما صرفتوا علي مين بيصرف علي