السلام عليكم ورحمة الله وبركاته..
أحب التنويه بأن الموضوع طويل لكن مهم لذا أرجو قرأته إلى النهايه.
بدون مقدمات راح أبدأ بالموضوع عطول واللي هو ....!!!؟؟؟
هل فكرت/تي ...؟؟
كيف راح تقضون هالإجازة؟؟ وفي إيش راح تستغلونها....؟؟؟
واللي طبعا من ضمنها شهر رمضان المبارك بلغني الله وإياكم هذا الشهر ونحن في أتم صحه وعافيه وجميع المسلمين ياااااارب....
طبعا راح أجزأ المجتمع إلى جزئين عشان أشرح كل جزء وإيش النفكير الأغلب على هذا الجزء في تمضية الإجازة...
المجتمع النسائي....
أولا الطالبات وأخص خريجات الثانوي راح يكون همهم التقديم وإختبارات القبول والتحصيل وغيره وهذي فتره من الإجازة ثم خريجات الجامعه وتفكيرهم راح يكون في الوظيفه والتقديم لها وممكن يكون فتره بسيطه وممكن يستمر لمدة طويله...
بعد ماينتهي هذا القسم من المجتمع النسائي من تفكيره بأول شي راح يقوم فيه وينتظر نتيجنه راح يتحول إلى تفكير المجتمع النسائي ككل اللي هو الأغلب طبعا>> إن شاءالله فهمتوا قصدي:rotaeye:
وهذا التفكير راح يكون في الزواجات والإستقبالات لإنه موسمها الصيف وحفلات النجاح والتخرج وراح أنزل السوق الفلاني عشان كذا وبروح للمشغل الفلاني عشان كذا وللخياط عشان البروفه ولكذا عشان كذا.....إلخ
وماننسى الســــــــــفــــــــــــــــر طبعاً
ننتقل إلى-----<
المجتمع الرجالي....
نفس التقسيم الطلاب أولاً وخصوصا الخريجين من الثانوي والجامعة وغيره من المعاهد والكليات ...إلخ
فأكيد راح يكون تفكيرهم إما تقديم على جامعة أو وظيفه أو غيره لخريجين الثانوي أما خريجي الجامعة وغيرها فراح يكون على الوظيفة طبعاً وبعد الفتره هذي راح يكون تفكيرهم تقرييييبا مثل التفكير الأغلب لهذا المجتمع ...
فاللي على وجه زواج او خطوبه أو ملكه راح يفكر فهالأشياء ومصاريفها وإيش راح تكون توابعها واللي رب اسرة راح يفكر وين يسفر اهله والمصاريف تبع السفر وغييييييييييييييره.....إلخ
تحويله على ملاحظه------<
ملاحظه..
أنا أتكلم عن التفكير الأغلب على الناس أما الفئه اللي تفكر غير كذا فراح أتكلم عن تفكيرهم وهمهم وراح أشجع الناس اللي تفكيرهم منحصر بالأشياء اللي فوق على التفكير بأشياء أهم وأكثر فائده طبعا نستثني منهم الطلاب والطالبات....
عودة-----<
ولو بكتب أكثر وأكثر في تفكير هالمجتمعين ماراح يكفيني موضوع أو أكثر....
نجي لِلُبّ الموضوع ألا وهو...؟؟؟
لـــــــــيـــــــــــــــش مانستغل إجازتنا في زيادة رصيدنا الإيماني والثقافي والتعليمي..؟؟؟؟!!
ليش مافكرنا نحفظ جزء أو أكثر من القرآن او القرآن كامل او حتى نراجع ونشوف أخطأنا في اللي حافظينه؟؟!!
ليش مافكرنا نحفظ أو نقرأ شي من أحاديث الرسول صلى الله عليه وسلم أو ننطلع على سيرته؟؟!!
ليش مافكرنا نتفقه في الدين أكثر وأكثر؟؟!!
ليش مافكرنا نقرأ كتب تزيد مستوى الثقافه عندنا أو ندخل منتديات ثقافيه أو نحضر محاضرات وندوات..؟؟!!
ليش مافكرنا نسجل في دورات سواء في مراكز أو معاهد أو في الإنترنت عشان نتعلم لغة مثلاً أو ناخذ كورس في الحاسب أو في التربيه أو في فن التعامل أو....إلخ؟؟!!
ليش مافكرنا في هذي الأشياء المهمه أولاً والمفيده ثانياً وفيه أشياء كمان أكثر لييييييييييش..؟؟!!
طبعاً راح تقولون الوقت وماالوقت...
صدقوني لو مامر عليكم يوم عالأقل فاضين فيه فراح أكون فاهمة الموضوع غلط..!!!!
طيب ليش لقينا وقت للـT.V ووللتليفون وللحفلات والزواجات وغيره ومالقينا وقت لربنا عز وجل أو وقت نرتقي فيه بثقافتنا وتعليمنا!!!!!!!!!!!!!!!
ياهووووووووووووووو..
مافكرتوا على الأقل تداومون على قيام الليل وصلاة الضحى وركعة الوتر وتلاوة القرآن أو النوافل أو صيام التطوع بأنواعه وهذي أشياء ترى من جد بسيطه لكن أجرها عظيم عندي ربي سبحانه....
بعدين نجي للأهم وهو رمضان وماراح أتكلم عن فضله أو إش لازم نعمل فيه أو إيش اللي لابد نتركه من مسلسلات وخلافه لكن حبيت أقول إنه...؟؟؟
لااااااااااااااااااااازم ولابد إنه كل واحد فينا يكون شهر رمضان بالنسبة له نقطة تحول في حياته طبعاً للأفضل من ناحية قربه من الله وتركه وبعده عن المعاصي وموبس رمضان هذا إن شاءالله أو اللي جاي إن شاءالله لااااااااااازم كل رمضان يمر علينا بإذن الله في حياتنا يكون نقطة تحول لنا للأفضل....
وبــــــــــس.
أنا في بالي كلام كثييييييييييييير لكن هذا اللي طلع معاي وترى هذا الكلام من قلبي وإن شاءالله وصل لقلوبكم لإنه..
*الكلام اللي من القلب يوصل للقلب*
بس حبيت يكون تذكير لكم لقول الله تعالى}وذكر فإن الذكرى تنفع المؤمنين{
اللهم إجعل هذا الموضوع خالصاً لوجهك يارب العالمين.
اللهم وفق قارئ الموضوع وكاتبه لما تحب وترضى اللهم آمين.
وأأأأأأأأأأأأأأأأأأأأعتذر أشد الإعتذار على الإطالـــــــه وإذا فيه خطا وإلا إستروا ماواجهتوا..
يلزم عليك تسجيل الدخول أولًا لكتابة تعليق.
الصفحة الأخيرة
موضوع حلو ومميز وكلمات في الصميم
شكرا لك