**بشايـــــــر**
بالحقيقه مو انا الي راح اصمم المواقع والغرافك والبروشورات هذا شغل زوجي انا مجالي بتصميم الازياء لكن عندي فكره بالتعامل في هذا المجال وبساعد في اختيار الازواق بشكل عام ولي راح اكسبه عمولتي باني اجيب الزبونه وتعاملي يكون معها في حال ما ترغب تكلم الرجال او انها بتاخد راحتها بالتشاور والاخد واعطى مع وحده ترتاح لها اكثر بالكلام يعني فيكي تقولي فرع نسائي ههههههه فهمتي شو قصدي يعني مندوبه نسائيه وشغلنا مرتب وبطريقه عالميه واسعار معقوله
وكتبت بفرع العروض التجاريه وان شاء الله خير

السلام عليكم..

هلا بشاير..

أنا أشوف ناخذ وكالة ماركة معروفة هنا و ما هي موجوده في بلدنا.. بس بشرط تكون بضايعهم مميزة..

و يكون عليها إقبال في الفروع المتواجدة هنا و في العالم..

يعني نضمن إنها ما تخسر هناك.. و طبعا لازم أول ما تفتح الوكالة في السعودية يصاحبها حملة إعلانية كبيرة..

و موقع مميز و نشط.. و موظفين كفء و مدربين.. و المراكز الرئيسية للماركات الكبيرة ما يقصرون في المساعدة

و الدعم سواءاً في الدعاية أو تدريب الأيدي العاملة..

من ناحيتي أول ما تعجبني ماركة.. أزور موقعهم و أشوف وش أصلهم يعني وين أول فرع و وين المركز الرئيسي..

إذا كان أستراليا.. نيوزلاندا.. فرنسا.. و غيرها .. ففيه مجال للتفكير بأخذ وكالتها..

أما إذا كانت من بريطانيا أو أمريكا.. فأبعد عنها.. لأنني ما أبغى أربّح هالدولتين و لا أكون وكيلة لمنتجاتهم..

أنتي عارفة المقاطعة.. و تعاون هالدولتين بالذات على دول المسلمين..<<< دخلنا سياسة..

و سلامتك

هلا بشاير

انا فكرت بس العكس يعني اجيب بضائع من بلادي وابيعها وشفت كثير جاليات عربيه مستفديين من ها الناحيه يسافروا زياره للاهلهم ويجيبوا معاهم اغراض للبيع وعليها اقبال لان الاشياء الي احنا نستخدمها ما موجوده في بلاد الغرب تصوري حتي الذهب يجيبوا ويبيعوا ومشاالله يخلص بسرعه

وكل مره اقول ها المره اعبي الشنطه واجرب لكن مشاالله ما تكفي وغير كذا ما يكون عندي وقت احس الاجازه قصيره

اهلين... رجعت مره اخرى ...

الفكره كانت تراودني من زمان... واتشجعت اكثر لما شفت البنات المغتربات اللي في قسم العروض التجاريه... خصوصا اني فاضيه واحب السوق واحب اني اسوي بيزنيس <<<<<< يا سلام على الطموح :01:

فكرتي كانت مثل باقي البنات...
1- يا اني افتح موضوع في قسم العروض التجاريه وابيع اشياء من امريكا... مثل الاخت the mooni... بس استصعبت اني ارسل لكل وحده واخاف اذا ما عجبتهم البضاعه يبون يرجعونها...
2- فكرتي الثانيه اني اتفق مع احد البنات وارسل لها مجموعه من البضائع المختلفه اللي تمشي والناس يبونها... وهذي اللي اتفق معها هي اللي تبيعهم... وهذي الفكره عجبتني اكثر من الاولى لانها اضمن... لكن المشكله كانت من اللي اتفق معاه!! قلت لاختي قالت لا فشيله ... بسبب المجمتمع تخاف يقولون بياعه :42:

وبس بعدين قلت شكلها صعبه السالفه.... مع ان راس المال موجود بالنسبة لي... ومن ناحية المنتج اشياء كثيره البنات يبونها من هنا... مثل ما تفضلوا البنات.... خصوصا فساتين السهره البسيطه جدا ... لقيت اشكال ناعمه وبأسعار مغريه جدا....

بالنسبة لي الاسباب اللي تخليني متردده بالموضوع هي:
- أسعار الشحن... اذا يسوى او لاء!!
- عدم رغبتي بإعطاء رقم حسابي الشخصي في البنك وترددي من الإفصاح عن اسمي الحقيقي
- وطبعا من ناحية الاحراج!! مع انها مو عيب ولا شي... بس مهما كان تعرفين المجتمع... بس مع ذلك احسن الشغل سكيتي :42:

وانا ودي استغل جلستي هنا ... وزوجي مشجعني.... بس احتاج تشجيع...
موضوعك يا بشاير حلو مره ومفيد ومشجع جدا جدا..... تسلمين

مرحبا موضوع يا بشاير شي مو طبيعي موضوع رائع جدا جدا .
بنسبه لي انا لي سنه و انا افكر في موضوع البزنس . ولكن المشكله بصراحهههههههههههه المجتمع. يا تفتح محل و يكون محترم يا تجلس . انا فكرتي اني اجيب بضاعه عن طريق الانترنت و ابيعها بسعر معقول والله يا اخوات اني حصلت في محل على شارع الامير عبد الله اسمه و الله اني ناسيته الان المهم محل راقي جدا جدا يبيع ملاحف و اغطية اسره من امريكا يبيعها ب 3500ريالللللللللللللللللللللللل و سعرها عن طريق الانترنت 1500 ريال ومن تريد ان تتاكد سوف ارسل لها الموقع و تشاهد الاسعار و ترسل اي شخص يتاكد من السعر في هذا المحل . المشكله اصبحة الشغله نصب و استغلال باقصى درجه . فان فكرة اني اجيب هذي البضاعه و ابيعها بسعر معقول و مكسب معقول و لكن من يقوم ببيع البضاعه و كيف اثق باي شخص مستاعد ان يروج بضاعتي الامور تحتاج في تصوري الى دراسه . و لكن عني انشاء الله راح يجي اليوم الي افتح لي بزنس لاني اجد نفسي في هذا المجال . عموما ان لي عوده قريبه لكم و جزاكم الله خير .