هل فيكم وحده ..يجيها وقت تمل من زوجها ؟؟

انا وزوجي ولله الحمد نحب بعض والأمور ماشيه بينا تمام ..

ولكن تجيني فتره امل فيها من زوجي .. واتمنى اني اكون لحالي كم يوم وملك نفسي

يعني اتضايق اذا جلس معاي وودي انه يتركني لحالي وحتى مااطيق ارد على كلامه
اواني اتكلم معاه .. احس بملل طفش :( وحتى النوم اتمنى اني انام لحالي
وماابغى اقول له انا زهقانه منك ..

يمكن وحده تجي تقول لي اكسري الروتين غيروا اطلعوا .. ارجع اقول السالفه
مو كسر روتين .. السالفه ومافيها اني ابغى انفرد بحالي
ساعتها احس بسعاده وراحه وانا مجربه اذا ضليت لحالي احس اني ارتاح وانبسط
يعني اذا زوجك كل يوم تشوفينه وحتى لو تموتين فيه ..ماتزهقين منه ؟؟ وودك تجلسين لحالك ..

يعني بس انا اللي احس كذا ولا في احد مثلي ..


والشي الثاني فكرت اني اقول لزوجي اني اتضايق احياناً واحب اجلس لحالي بدون
ماحد يضايقني اويكلمني يعني يعتبرها فترة نقاهه وبعدها كل شي يرجع لحاله..

وبرجع له مثل اول واحسن .. بس اخاف يرجع علي بشي سلبي

مادري يمكن انا مزاجيه .. مع العلم اني اغلب الأيام مبسوطه معاه لكن تجيني فتره

مااطيق حتى اني اشوفه ..

اشتنصحوني فيه ؟؟