هل فيه أمــــــل لي .

السلام عليكم ورحمة الله وبركاته .
أولاً أنا مو صاحبة المعرف ..وأشكرها انها اعطتني اكتب من معرفها .


(( قصتي أني وحده ع مشارف ٣٢ سنه ومطلقة بدون أطفال ...وعندي أختين ..وحدة ٣١س والثانية ٢٦ س وغير متزوجات .
والله يبنات أني العيش ضيقة وهم ....لا زوج ولا وظيفة ولا طفل ولا شي حياتي من سريري لكنبة قبال شاشة التلفاز ...ولا شي فاضيه مهما حاولت اشغل نفسي او أخرج ..مع ان خرجاتي بسيطه ..
واحس بضيقه وشي يجعلني ارغب في البكاء ع حظي وحظ أخواتي ..وأمي وأبوي اللي يبونا نفرح
بنسبه لخواني ماشاء الله عندي أخوان وكل بيت زوجنا واحد عندهم حتى من خارج منطقتي .
حتى أختي من أبوي خطبنا لها خالنا ..والحمد الله .
ونفرح لاي وحدة ربي يوفقها وتتزوج .
لكن محد جانا .
مثلاً ..أنا خطبوني ٢
واحد متزوج ٢ وكبير بسن وأمي رفضت .
والثاني توه شاب وقريب من عمري بس متزوج ورفضته .
وعليها محد دق بابي !!
أحس ب ضيفه وهم مشتاقه أ خلف ...المواقع والخطابات ليسوا موضع ثقه وماأحب اسلكه .
وبنفس الوقت العمر يمشي ..ومحد تقدم .
وصراحة نظره البحرية تضيق صدري انهم يشفقن علي وخاصه لو ما فيه مناسبه وتقول الله يرزقك الزوج طيب تبين تد عين لي مو قدامي وقدام الناس وبدون مناسبه !
أخواتي خلاص ماعد يحضرن زواجات وكل وحده في مستوصف وقتها يروح شفتات .
الاولى أخو زوجة أبوي كلمها ورحبنا وعليها مادق بابنا !!
والثانية كلمتها وحده عن أخوها المتزوج ورفضته .


الأن أشعر بفراغ فضيع وهم ..وحزن .
و ضيفه فضيعه ماأقدر ات حكم في دموعي ..وصل الحال فيني نزلت ٢٠ك !! تخيلو .


مصروفي من الضمان ١٠٠٠ريال ..أحاول فيها تغير جونا واحجز استراحه وننبسيط يوم وبعدها ترجع حليمة لعادتها القديمة .
احاول اسير مع امي ع جاراتها ...اونس عمري ..
وبنسبه لصديقات بعد طلاقي سحبن علي ومابقي غير اللي مومتزوجة ..وبعد هي عندها ظروف صعبه ..حتى مصرفي من الضمان بين فترة وفترة اعطيها ..حتى تقدر تشحن وتدخل النت وكذا .
حبيت أفضفض لكم ..لعل كلمة تجبر الخاطر .
طبعاً هذا غير حركات ام طليقي .
مثل يوم تزوج ولدها تتصل علينا يوم الزواج وتعزمنا !
يوم ولدها خلف تجينا وتتصل ع فلانه وعلانه تعزمها ع استراحة اللي مسلحين فيها التمايم طيب اعزمي بيتكم مو عندنا .
نظراتها لي شماته اني ماتزوجت مع ان ولدها يوم خلف باركت لها . طبعا مااشوفها الا بيتنا لانه تجينا .مره شفتها بزواج جت وسلمت ع امي وانا لا !!
طبعا مابيني وبينهم شي الا بعد الطلاق هم ماقصروا فيني وانا وابوي قلنا اللي صار بس تعرفون كيف النفوس مشحونه .
(((وهذي فيض من غيض)))
.