هل فيه امل والا احلق شعري الطويل اللي تعبت عليه

مساكم الله بالخير


انا لي حوالي 5 سنين اطول شعري ولاقصيته ابدا الا من الاطراف


والحين ماشاءالله طويل ومرا مريحني بس اربطه وناعم يعني اذا احد طب علي

ماشيل هم شكله زي لما كان قصير احتار فيه


المهم انه قدر الله وصبغته في البيت مرتين ورى بعض وصبغه ابوكلب حسبي الله فيهم


غسلت شعري لقيته تغير بشرحلكم كيف صار عشان تفهموني وتساعدوني

لاني انا احس معاد له حل الا الحلاقه


صاير يتجمع مع بعض ويصير زي عش العصفور كله مشبك في بعض


وعلى شكل كور نفس العش بالضبط :(
كل مجموعه ملتفه على بعض ولاصقه ببعض

لازم كل يوم مرتين امشطه والا يوصل لمرحله لايمكن يفك عن بعض الا بطلعة الروح

بلسم وكريم وتنتيف نصه يطيح عشان يتسرح

وكل شعره مجعده يعني قبل الشعره ناعمه ومستقيمه وصحيه

الحين الشعره متموجه ومكسره من طرفها

والملمس خشن كأنك تلمسي خيشه

ولما استشور يصير الشكل حلو ومايبان كل هالكلام

تعبت منه

اش تنصحوني هل فيه كريم زيت علاج اي شي يرجعه ناعم وهاجد وصحي زي ماكان

والله العظيم اكتبلكم وانا متحسره لاني احب شعري وتعبت عليه لكن قدرالله

تكفون بنات ابي تجاربكم انتو مدري وش اهبب فيه يارب من تساعدني تفتحلها ابواب الفرج
والرحمه