هل فيه ام تغار من بنتها

بنات سوالي واضح فيه ام تغار من بنتها؟
بقولكم امي عمرها قريب ٦٠
انا البكر عمري ٣٠
لي خوات اصغر مني ب ٩ سنين
وب١٢ سنه
واخوان
لكن انا يابنات من كنت مراهقه امي بس عيونها علي
وتقارن نفسها فيني يعني تبي تفرض علي اشياء
تحسسني اني بعمرها
يعني هي عمرها الحين٦٠
تقارن نفسها فيني اللي عمري ٣٠
تبيني مثلها وتحطني مثلها بكل شي بكل شي فوق ماتتخيلون
صرت منضغطه لاخر درجه منها وصرت ماتحمل منها كلمه
واذا قالت شي لو كلمه احس تقصد شي وراها
يعني فيه اشياء بالوقت الحالي
كل البنات يسونها وشي صار شبه عادي
وانا مقتنعه من سنين بالاشياء هذي لكن توها تصير
مع الانفتاح
امي عادي خواتي يسون الاشياء هذي
لكن لما تشوفيني اسىوي او بسوي يركبها جني
وتبداء موال الهواش والتحطيم والسب واللعن والمقارنات
انا موب مجبوره ادفن نفسي مثلك
يعني تقا ن وقتها بوقتي الحين انا بعد توي بنت ولا تزوجت
ويحق لي اعيش حياتي دامي مو مقتنعه
باشيا كثيره من الماضي ليش هم بس يبون جيل ابو الفين
اللي يعشون الحياة هذي اما احنا اللي عانينا من سنين
يبون يكملون قبر علينا اولها القياده يعني وش فيها
كلن صار يسوق امي من اشد المعارضين لي ومع
خواتي عادي بحجه خواتك يدرسون من يوديهم اما
انتي تبين تسوقين عشان تلففين الشوارع
امي خلقه تلبس عبايه راس < عادات وتقاليد فقط ىلا مافيها طوع ابد حتى نص الصلوات تجمعهم
تفوتها
لكن عادات وتقاليد
مع كل هذا دايم ترمي كلام علي ودها لو بكيفها
تكتمني بعبايه راس ونقاب ابو طرحتين
< لاتجي وحده من نوع امي تقول انتي تبني وتبين وتكرهين النقاب وتكرهين مدري ايش
ياناس افهمو
وصلنا ٢٠٢١
كلن وقناعاته انا منقبه بديرتي لاننا اصلا بمحافظه
لو اكشف ممكن بالنسبه لهم فضيحه!!
لكن متقعده لي ع الوحده خواتي يقولون لاتنقشينه
سوي كل شي من وراه
لكن انا ماحب هالاشلوب
انا بس مركزه على حركات امي امي بس متسلطه
علي حتى لما اطلع مع صديقتتي كل شوي تتصل وينك
يلا ارجعي وينك وش تسوين
مع كل ذا خواتي للفجر مع صديقاتهم ماتقولهم حرف
ولا تستوعب يعني لو بنقاشها تزيد بالعناد زي الطفل!!
مره ناقشتها ان كلن مسول عن نفسه
حنا مو عايشين بداعش!!
دامي ماسويت شي حرام ولا يغضب الله
مالك حق تسيطرين علي بامور من حقي
زي الوظيقه تجي اكثر من مره لاني اقدم
بشركات بالرياض وهي توقف بوجهي
وتمنعني بحجه مو ناقص الا تروحين لحالك !!
تسكتي لحالك!!
انا احس امي تغااااااااااار مني تقارن حياتها فيني بشكل جنوني بنات انحرمت من كل شي
وظيفه حياة طلعات صديقات بسبب هالام
وش اسوي يعني بالله عليكم
والله لو موب امي عرفت كيف اتصرف
احيانا افكر انتحر اهج واسوي بنفسي شي وافتك
من هالحياة
يعني لو امي تقارن نفسها فينا كلنا والله مازعل
ولا اطق خبر بقول هذا طبعها
بكن بس عيونها علي
ومتسلطه علي انا وتبي اصير مثلها وعلى كيفها
بتعوض كبتها فيني والله اشوف اغلب البنات اللس بعمري
وقريباتي تغيرت حياتهم١٨٠ درجه عاشو صح
الا انا حياتي موقفه
انتم متخيلين لدرجه امي اذا جت تسولف معي
وجت ممثله او فنانه بالتلفزيون
كبيره يعني بالخمسين تقول هذي كبرنا تقولي
وش اللي كبرنا !!
ماتبي تقول كبرها تقول كبرنا يعني كبري وكبرك
ولما اقول خواتي ماتقولين لهم شي
تقول خواتي صغار اصغر منك بعشر سنين
ولما تشوف خمسينيه او اربعينيه خاصه بالاربعين تقول حولك !!
شفتو كيف
اقسم بالله احس باقي لي شعره ع الجنون
لدرجه صايره ماتحمل منها شي
وكل اللي في بالي هرج اختي سوي كل شي من وراها
يعني لازم نصير كذا بالحياة هذي ؟؟
المصيبه خواتي يطلعو كوفيات ويكشفو بالكوفي
وعادي عندها بالنسبه لها صغار
اما انا لو اقولها اني اكشف في الكوفي تعالو شوفو ايش
السب والكلام اللي يجيني منها لانها هي ماتكشف
وموب طوع لان خلاص اخوها كان كابتها
وتزوجت وتعودت على النقاب وراح عمرها
فتدري خلاص شكلها غلط تكشف هالوقت متسلطه
علي حتى اذا سافرنا وخواتي لبسو كمام لو تشوفني حطيت
الكمامه واغطي كل كل شعري ماتطلع شعره لما رحنا
الكويت ركبها الف جني علي وطول للسفره سب ولعن وفضحتينا وكلام ماينقال
طيب ليش هالكلام ماتقوله لخواتي ؟
ليش ماتغار اذا شافت خواتي لبسو كمامات ووحده
من خواتي متخرجه والثانيه بثاني جامعه وتقول صغار!!
ليش بس حاطتني انا براسها هذا اللي جنني
اقصم بالله العلي العظيم لو امي تعاملنا كلنا
نفس المعامله
نفس الشي باكل تبن واسكت واقول هذا طبعها
لكن من بين كل خواتي بس علي كل هالشي ليشششش