هل في احد سأل شيخ عن حكم الكيراتين ؟؟؟؟؟؟؟؟؟؟

السلام عليكم ورحمه الله وبركاته
اخواتي العزيزات مساكن الله بالخير

بس عندي استفسار بسيط هل احد سأل شيخ او مفتي عن حكم الكيراتين ووضعه على الشعر
انا لي الان فتره ادور عن حكمة لاني خايفه انه يكون يغلف الشعره ويعمل عازل ويمنع الوضوء
وطبعا شي زي كده معناته صلاتنا ووضوءنا ايش حيكون وضعه
ليا الان شهور ادور وابحث واسال مالقيت عقاد نافع على قولتهم
بس اخيرا وصلت للجواب الشافي ولكن ليس من مفتي ولكن من خبيره شعر في لندن
راح احكيلكم الموقف وانتوا احكموا
دخلت اسال عن القص عندهم لاني منقبة ولله الحمد وابغى اعرف لو عندهم مكان يقصوا فيه للمحجبات وهل في يوم مخصص للنساء واشوف لو في كاميرات وكل دي الامور
بعدين سالتها هل الكيراتين يغلف الشعره ؟ سالت صديقتها اللي هي تخصصها كيراتين قالتلي قصدك انه يعمل عازل على الشعر قلتلها ايوه لانه احنا المسلمين نتوضى خمس مرات في اليوم او ازيد فلازم الشعر نمسح عليه قالتلي
هو عباره عن ماده عازلة يعني تغلف الشعره ومع كل غسله تخرج شويه من الماده هادي عشان كده بعد ثلاث اشهر تروح الماده هادي ولازم ينعاد عشان يرجع الشعر سهل التمشيط وقالتلي كل الكيراتين الي يخلي الشعر املس وناااااااااااعم زي اليابانيين هادا مغشووووووووووش بماده كيميائيه يعني قصدها مضاف له مملس شعر يعني دواء فرد الشعر
ياخواتي الغاليات
هل احد سأل شيخ قبل ماكثير من اخواتنا حطوا الماده هادي في شعرهم وياعالم هل صلاتهم مقبوله او لا لجهلهم بالحكم ولكن نصيحه من اخت لكم تخاف عليكم
لاتعملوا اي شي قبل ماتستفسروا هل هادا الشي يضر بعبادتنا او لا
وربنا يغفر للي جاهل بحكمه