هل في حرمه بتصبر مثل صبري ؟

السلام عليكم و رحمة الله و بركاته
بنات انا قد علمتكم بأني طالبه الطلاق من زوجي لاسباب كثيره
اولها انه يهجر البيت بالايام وما يقوم بحقوقي وتمشيات ما فيه ..ابك حتى كشتة بر ما يكشتنا الا بالسنه مره .. وفوق انه يعنفني وضرب وحاله مب طبيعيه ويستخدم ويشرب !! ولا عنده اي مسؤوليه .. وسفريات فجأه بدون علمي !! فجأه الاقيه مصور سناب انه بالكويت !! ولا بالطايف ولا الخ ..
والادهى و الامر يشتغل بشركه مكسبها حرام .. وانا ما ابي اكل انا و اطفالي من مال حرام .. طبعاً انا حاولت فيه من جميع الطرق .. واستخرت رب العالمين وقلت اللهم لا تكلني إلى نفسي طرفة عين ..
حاولت يا بنات فيه .. حاولت اغير طبعه .. ولكن من سيء لأسوء تعبت .. بكيت بالليالي وحدي .. انهرت نفسياً .. استخدمت ادويه نفسيه ولعبت بنفسي .. وفوق تشوهات جسمي من الضرب ..
المهم اني ابوي درى عن هذا واخذني وقال طلاق .. وانا فعلاً خلاص صرت ابي الطلاق ومقتنعه فيه تماماً ولو انه صعب لأني ام لاطفال ولاني غيوره !! بتقولون كيف غيوره ؟ انا ي بنات خبلللله .. اتخيل اذا تطلقنا وتزوج واتخيل يعيشها حياه حلوه .. ويقولون العيب مني .. ولا هو انسان متفاهم .. اغار يحبها ويدللها وينساني .. هذا شعور غصب عني .. لا تجي وحده وتقول بعد كل الي سواه فيك تغارين؟ ايه اغار هذا زوجي وعشت معه وعاش معي .. ولو ان عشرته سيئه بس اغار .. وانا متأكده اي وحده مكاني بتغار بعد .. ابي اتخلص من هالشعور كيف ؟ كيف ما اغار كيف ؟ انا ع فكره للحين ع ذمته وطالبه الطلاق ومصره لأن كل شي سويته .. و موكله امري لله تعالى و راضيه تمام الرضى .. لكن هو رافض يطلق وحتى ما جاء يعتذر ولا شي وبكمل شهر عند اهلي .. بس يسلم ع اطفالي عند الباب ويمشي يروح .. مسوي زعلان مني ومن ابوي لاني طلعت بدون اذنه بعد الجلد الي جاني .. وانا طالبه الطلاق وجالس يماطل تعبت نفسياً .. ابغى اتخلص من كل شي .. دعواتكم لي ربي يختار لي الخير .. ويجبرني جبراً يليق بجلالته .