هل قدري اكون وحيده !؟

السلام عليكم

كتبت الموضوع من باب الفضفضه

بنات انا ماعندي اخوات

عندي اخوان وعلاقتي زينه معاهم بس كل واحد لاهي بحياته
جمعات مع الشباب وطلعات وعمل

الزبده مو فاضين لي

امي دايم زيارات ماتجلس
ابوي 24 ساعه مشغول احيانا بالايام مانشوفه
كنت اقول اذا تزوجت بيصير عندي حموله واهل زوج

تزوجت واحد ماعنده خوات ايضا وماعنده اخوان متزوجين

صديقات المقربات وحده من ايام الدراسه
الباقي لاهي مع ازواجهم
سويت قروب فالواتس عشان اجمعهم

ساحبين عليه وبعضهم بالاشهور مايتكلمو فيه

اقترحنا كم مره نسوي جمعات وربي فالسنه او السنتين مره
مايحبو احد يروح لهم :blink:
وانا اكثر وحده اعزم عندي
ليما مليت من طبعهم وصرت ماعزم
ولا اكتب في لقروب شي

صديقتي الوحيده علاقتي فيها تمام

نتزاور فالشهر مره

وزوجي دوامه يسافر اسبوع ويرجع لي يومين

درست جامعه وماكملت

ماعندي غير صديقتين من الجامعه
وحده استمريت اكلمها واوصلها وهي طلعت من الجامعه
ولا القى منها رد وقطعت مثلها ولاشفت منها شي من قطعت ابد

والثانيه استمرت معاي فتره تكلمني لانها كانت قررريبه مره

وقطعت بعد وربي اني اوصلهم

ارسل اعايد اسئل عن الحال

صارت فتره كله تخبرني عن صديقاتها الجدد وكذا
واشجعها تكمل وماتطلع
بس قطعتني بعد اللحين لها اكثر من 3 شهور لارساله ولامكالمه ولاشي
تركتها براحتها ايضا

من وانا في ابتدائي حلمي يكون عندي صديقات وشله كبيره
وفله ووناسه
احبهم ويحبوني

اعتبره حلم بالنسبه لي
انا اذا تجمعنا وربي تتغير نفسيتي واصير اشوف الدنيا حلوه

متخيلين مستوى الفراغ والوحده الي اعيشها من كم سنه لااخوات لاصديقات قراب

وبالنسبه للاهل مشاكل × مشاكل


!!

تعبت تعبت نفسيتي

افكر اكمل دراسه او اشتغل

وظايف مافي ولقيت كم مره ولااحد فاضي يوديني اقدم اوراقي

الدراسه كلمت كذا مره
مره يقولو اذا في مجال بتصل لك ولاشفت شي
ومره ادق على معهد ومايردون
ومره قدمت في جامعه ولما جا وقت الاوراق اوديهم
زوجي رفض اسحب ملفي من الجامعه الثانيه
وبالحاولات رضى ولما جيت اوديهم قالو قفلو التسجيل

اعيش في فراغ والحظ عندي 1%

الحمد لله ماقدر انقل لزوجي بسبب الظروف الماديه وهو ساكن مع شباب

بنات صرت احس بغيره مع اني والله مو حابه هالشعور ابد ومضايقني
لما اشوف البنات فالانستقرام حاطين صور جمعاتهم وطلعاتهم يحز في نفسي
ولما اشوف الي معاي الي سافرو يدرسون بالخارج
والي صارت ممرضه
والي تدرس تخصص حلو
والله اضايق من نفسي
بس شي يقهر
اللهم ارضني بما قسمت لي

بنات شوفو لي حل

بليييييز الي بترد رد يكون مقبوول
بعيدا عن المثاليه الزايده الي اشوفها فالردود :icon35:
ومشكورين