هل قراري بالطلاق حل سليم شورو علي وساعدوني أرجوكم

السلام عليكم ورحمة الله وبركاته .. صار لي اسبوع ببيت الاهل زعلانه ونويت الطلاق بعد اخر حركه سواها تهاوشت انا وياه وتطاول ومد يده علي وانا بعد مديت وضربته بالي قدامي بس قوتي مو مثل قوته المهم مارضى احد يمد يده علي واسكت ولاول مره يمد يده علي ومن بعد الضرب مالي وجه ارجع له ابد وضرب مبرح حسيت بأهانه وقدام بناتي اللي صار واكيد بيدرون اهله وكل الناس متفشله اللي يضربها زوجها خلاص كرامتها طاحت وش اللي اكثر من كذا بذمتكم وبعد مارحت لاهلي تحسف ورجع يرسلي اعتذار ورديت له برساله اني مابي منه الا الطلاق ولاعندي غير هالكلام ويتصل مارد ويتصل على اخوي مايرد عليه واهلي شجعوني على الطلاق وقالو طنشيه سبب المشكله انه دوم منعزل لحاله ولايدري عني وعايش لنفسه وبس ومايبيني الا خدامه اقوم فيه بس كل شيء خساره فيه وصحيح اني غلط يوم اروح اتجادل مع متخلف حتى النقاش والحوار مايتقنه ولايعرف يحل مشاكله معي ودوم حياته على هالحال ي اما منعزل لحاله وعايش مع هواجيسه ولا جالس عند امه ولا طالع برا علما انه صاار لي الحين متزوجه عشر سنوات وودي انهي هالزواج الفاشل اللي كله مشاكل بمشاكل ولي منه بنتين خليتهم عنده وصار لي اسبوع ماشفتهم ولاادري عنهم ودي اكلمهم جوال بس محتاره ومتردده بيقول نقطة ضعفها البنات رجعت تدورهم واهلي مو ذاك الزود معي لكن مع هذا مابي اكمل هالزواج ولا ابي اظل سالفه للناس لااتفاق ولا تفاهم بينا وصرت اكرهه ولااطيق اشوفه واشوف ان الطلاق انسب لي واللي مخليني اتردد هم بناتي مدري كيف بيكون وضعهم بعدين ماكتبت لكم الا لثقتي فيكم بعد الله شورو علي بالطريق الصحيح ..