هل قراري صح تكفون ادخلو

دودة قز :

حبيبتي الله يكون في عونك و يهدي ولدك يارب.. دام هو يقولك يا ماما شوفي معناه يدور على اهتمامك,, متى بدأ العناد عنده؟ من لما جبتي البيبي الثاني؟؟ امدحيه و اهتمي في تصرفاته الايجابية عشان ما يكون له سبب يتصرف بسلبية لجذب انتباهم ولدك خلاص كبير و يفهم.. اول خطوة تسويها انك تقولين له "انت الحين صرت كبير, عشان كذا بكرة انا و انت بنروح مشوار لوحدنا بسسسس بدون اخوك الصغير لان هو لسه نونو" في اليوم يلي تروحون برى حاولي انك تخليه يتفاعل معاكي بكل شي تسوي, يعني خليه يفتح لك باب المحل و قولي له " يلا يا ابو الشباب انت رجال افتح لي الباب" او مثلا "تعال ساعدني بعربية التسوق لانك رجال و قوي" او مثلا يشيل عنك كيس او كيسين وقت التسوق بعدين ناقشيه و خليه يختار المطعم يلي بتاكلون فيه, وترى مافيها شي لو هو طلب لكم طبعا بمساعدة منك, و عطيه انتي الفلوس و خليه يحاسب البياع اشتروا الاكل و اطلبي منه يختار المكان او الطاولة يلي تقعدوا فيها, و كثري من المديح, يعني قولي له ذوقك حلو في الاكل, او ماشاءالله عرفت تطلب من المطعم, او مكان الطاولة جدا حلو بعد ما تاكلون قولي له "انا الحين بقولك سر.. انت ابني الكبير وانا احبك كثير و اعرف اني اهتم في اخوك اكثر و انا اسفه على تقصيري, بس انا اوعدك ان من اليوم ما بقصر معك و بنكون نطلع انا وانت سوا اكثر, بس بشرط انك توعدني بأنك تحسن تصرفاتك و تسمع كلام ماما عشان ماما تسمع كلامك" ركزي على تصرفاته الايجابية و امدحيها بكثرة, لو انتي في المطبخ مثلا خليه يرتب لك المعلبات و امدحي ترتيبه, او يجمع لك الزبالة في غرف البيت و امدحي سرعته,, الخ بس لو تصرف اي تصرف غلط اعطيه انذار و قولي له لو يكررها ما بيطلع معاكي في اليوم الفلاني, ولو فعلا كررها نفذي العقاب يلي انذرتيه فيه.. لا تهدديه بشي الا و انتي فعلا بتسوي, يعني لو هددتيه انك بترمين لعبه معينة له في الزبالة و ما سمع كلامك فعلااااا ارميها, طز بالفلوس, بس بيعرف ان الله حق وان كلامك مو عالفاضي و ابداااااااااااا ما تشترين له لعبه بدالها, خلاص يلي راح منه ما يرجع عشان يتأدب ولو ضرب اخوه عطيه انذار بطريقة حلوة و هدديه بشي, مثلا بعد الغدا ما بياكل ايسكريم مع اخوه, و فعلا لو ضربه ثاني مرة لا تعطينه ايسكريم حتى لو بكى دم,, لو ما فرضتي شخصيتك الحين اول ما يكبر و يصير مراهق ما بتقدين عليه بالتوفيق حبيبتي

حبيبتي الله يكون في عونك و يهدي ولدك يارب.. دام هو يقولك يا ماما شوفي معناه يدور على اهتمامك,,...