هل قرار طلاقي بيكون صحيح

صباح الخير

حبيباتي انا قد كتبت مشاكلي قبل ودايما اخذ النصح والمشوره منكم ربي يجزاكم خير لذلك حبيت اخذ ارائكم واكيد فيكم الحكيمه واللي مرت بنفس تجربتي
انا السنه اللي فاتت انصدمت بزوجي اقوى صدمه لما لقيت صور عاهر.. ورقص وسهره ، وانكر وقال هذي صور ارسلها خويي انا مالي دخل بعدين سويت حركه وطلعت مصدر الصور وطلع هو اللي مصورها من جواله وطلع حاجز الشاليه وجايب هالاشكال المهم جلست عند اهلي شهر وكنت اعاتبه وارسل له واهاوش وليش ماتعتذر ليش ماتجي عند اهلي وتتكلم معهم تصدقون كل هالاشياء اللي مفروض اي شخص غلطان يسويها انا كنت اطلبها منه وفعلا حجز وجا من غير نفس ، حتى رضوتي هاوشته وطلبتها هو مافكر يراضيني حتى بورده ولااعتذر وضغطت على نفسي ورجعت بيتي

بقولكم شخصيه زوجي ، شخص بارد جدا جدا واناني اهم شي نفسه اهم شي وناسته ، راعي سفريات بعد هالسالفه بشهر سافر للبحرين ولا عبرني ولا عمل لي حساب سافر تقريبا ثلاث مرات واكتشفت انه سوا مساج عند وحده حرمه وعذره مافيه رجال تخيلوا بعد ماكشفت السهره بعدها سافر ولا عمل لي حساب وكالعاده سامحت وسكتت

مهملني عاطفيا وجنسيا كل شهر شهرين مره ، اذا جيت للمدينه اللي فيها اهلي واهله يروح ياخذ شقه وخلاص باي باي مايعرفني حتى اتصال مايتصل ابد ، اللي خلاني اتخذ هالقرار اني في الاجازه عند اهلي وهو راح للشرقيه رجع للعمل ولما جا الرياض ماشافني ولا شاف عياله مر اول يوم ثاني يوم اسبوع اسبوعين وبعدها رجع للشرقيه لدوامه وانا سكتت وبعدها جا وبرضو ماعبرني وطلعت في يوم انا واختي للمول ولما جت الساعه 10 ونص اختي كلمت زوجها يجيها وانا ارسلت له وهاوش قال اللي وداك يرجعك قلت كيف انت صار لك شهر ونص ماشفتني ولا وديتني ولا شي والحين مضطره تمرني تراك زوجي قال مالي دخل دبري نفسك
هنا انا زعلت وخليته وهو بعد خلاني والى الان صار للموضوع ثلاثه شهور وداخلين للشهر الرابع وهو لا اتصال ولا رساله ولا شي لدرجه يوم قربت المدارس توقعت يرسل عشان ولدي السنه هذي سنه اولى واضطريت اسجله هنا والاب لاحس ولاخبر

مريض شايف نفسه عاد للامانه لا بيت عنده ولا فلوس ولا منصب وكبير باقي سنتين ع الخمسين ، وانا32 ، مدري ليش شوفه النفس والتكبر

هو راعي شراب قد رحت لشقته وشفت ، الحين وش الحل انا اشوف بصبر للترم الثاني اذا مافيه شي ولا ارسل خلاص معناها ولدي بيدرس الترم الثاني هنا ، وبكلمه اروح اخذ اغراضي وش رايكم ؟