تشكرات حبيباتي على الردود

( ( اعظم النساء بركة ايسرهن مؤنة ) ) ......
هذا يكفي عن أي تعليق مني.

باجاوب على أسئلتك من منطلق فهم المجتمع اللي نعيشه وليس من منطلق الواجب ولا يعني هذا انني اؤيده أبدا .....

هل المهر القليل يقلل من مكانة الزوجة وكرامتها بين الناس ؟
قد يقلل من مكانتها عند زوجها إذا كان لئيما ولن ننسى قصة علبة البيبسي فهي خير دليل على ذلك ..
وبصراحه إحنا في زمن عجيب اختلفت فيه المقاييس


هل المهر القليل سوف يجعل الزوج لايحترم الزوجة وينظر لها نظرة قليلة المستوى وبانها يوم قبلت بالقليل فهذا يعنى ان بها عيب ؟
نعم للأسف إذا كانت نفسه خايسه
لكن إذا كان رجل بمعنى الكلمه وهذا ناادر بيشوفها كرم اخلاق منها ومن أهلها وبيقدر لها هالموقف
وارجع أقول هذا نادر


هل المهر القليل يساهم فى بناء وانجاح الزواج والحصول على التقدير والاحترام من الزوج اما يصور على انه عيب وعار ومستحيل ؟؟
هذا لا علاقة له في إنجاح الزواج بقدر ما يتعلق بكرم أخلاق الزوجين معا.....



الآن سؤال الى المهر الكثير



هل المهر الكثير يساهم ويجعل البنت محترمة وكبيرة وغالية بين الناس ؟؟
بين الناس ..... لا أعتقد أبدا....



هل المهر الكثير يجعل الزوج يحترم ويقدس الزوجة بحكم انه دفع فيها مهر كبير ؟؟
أحيانا نعم وإذا كان قد ضغط على نفسه واستدان ليرضيها بمهر غال فأعتقد انه وإن صبر عليها لئلا يخسر المهر فإنه سيظل حاقدا عليها ......



هل المهر الكبير يساهم فى انجاح الزواج وضمان ان الرجال ما يلعب بذيلة على قولتنا ؟؟
للأسف احيانا يكون لها دور كبير


هل المهر الكبير ضرورى؟؟.

لو كان كذلك لما قال صلى الله عليه وسلم( أعظم النساء بركة أيسرهن مؤونه)
مشكورة على الموضوع الحيوي والواقعي....

والله خواتي ما ادري شنو اقول لكم قريت ردودكم واغلبها ان عادي مو مهم
يمكن مو مهم بالنسبه حق العروسه لانها تبي الستر وما تدور الفلوس

بس صدقوني المهر وااايد مهم الذهب من وين تبين تشترينه اذا ما في مهر ؟

الذهب اللي راح يلبس بحفله العرس و الصباحيه وغيره وغيره ؟؟ وين بيروح !!

المهر اي مو مهم بس في اشياء ثانيه مهمه تجي بفلوس المهر

الذهب
الثياب
وكل مستلزمات الحفل و العرس و غيره وغيره حق العروس !!

هذا كله اذا ما كان المهر قوي ما راح يسنده ولا راح تقدر تسويه البنت وتكون زادت تكاليف كل شي ناقصها على نفسها و على راتبها او على اهلها وابوها واخوانها

ثاني شي حنا في مجتمعنا بناتنا ما تتزوج الا بمهر محدد وهذا معروف يعني اقل من 8000د.ك محد يعطي خاصه في مجتمعنا او كمثال محدد قبيلتنا

فما يصير نقيس مجتمع و قيمه وعاداته على مجتمع ثاني وكل قبيله لها عرف خاص فيها

هذا مو معناه ان البنت ماديه ؟

ولا معناه ان البنت واهلها يبون يبيعون البنت للزوج واهله !!


عيل انقص على نفسي بالمهر و اطلب مهر صغير عشان لا يقولون طماعه

وبالعرس الناس تسولف عني وتقول : شنو سوت بالمهر ؟ وين الذهب ؟ بس هذا ؟؟

وتطلع الكلام ان اهلي خذوا الفلوس ؟؟ ام افضح نفسي واقول و الله ما دفعوا الا هذا المبلغ .......

و الاهم بعد ان لما تروح وحده بمهر صغير خواتها عقبها كلهم نفس الشي :)