السلام عليكم :cook::cook:
ايش علاقة حب الطبخ بالسمنه ؟؟ انا لاحظت هذا على كثير حريم وبنات في عائلتنا اللي فنانه بالطبخ تلاقيها اما تكون مليانه او سمينه بعكس اللي فاشله بالطبخ وما تحب الطبخ تلاقيها عصلا ونحيفه يعني مستحيل تلاقين وحده شاطرة بالطبخ ونفسها حلو بالاكل وتكون نحيفه مرررة او عصلا وعندكم مثال منال العالم مليانه شوي وفنانة طبخ ما شاء الله عليها ..
انا مثلا مشكلتي اني احب الطبخ وهو هوايتي المفضله والحمد لله شاطرة بالطبخ بشهادة كل من حولي حتى اخوات زوجي واخوانه يفرحون لما اجي عندهم او يزوروني علشان ياكلون من طبخي بس اللي قاهرني ان زوجي الاكل آخر اهتماماته واكله قليل بشكل ما تتخيلونه وما يحب المعجنات ولا الحلويات واذا اشتهاهم مره اكل قطعه قد الاصبع ما تشبع ولا عصفور واللي قاهرني اكثر انه نحححححيف تخيلوا رجال عمره 35 يكون وزنه بالخمسينات ؟؟!!
اكلاته معينه وما يحب ينوع بالاكل يكتفي بنوع واحد على الغداء والعشاء وصحنه ما ياكل منه الا الربع بس ولا يحب الاكلات اللي فيها انواع كثيره يعني مثلا لو اصلح له صينية خضار بالفرن لازم تكون نوعين بس خضار وبدون لحم ودجاج !!
والله صابني اكتئاب يا بنات احب اطبخ طبخات جديده واتفنن فيها وفي الاخير اكلها انا وزوجي اما انه ياكل كم ملعقه ما تعد على الاصابع او ياخذ قطعتين ويشبع وعلشان كذا صاير هيكل عظمي وهو ولا همه وكل ما قلت له حاول تسمن وتزيد وزنك او تروح لاخصائي تغذيه يعطيك فاتح شهيه يزعل ويقول اهم شي ان صحتي زينه ووزني عاجبني وكيفي لا تتحكمين باكلي !!
وتخيلوا شكلي بجنبه وانا وزني 70 كيلو !!
انا يا بنات قررت اصير فاشله بالطبخ راح اقاطع اقسام الطبخ والتفنن وما راح اطبخ الا الانواع اللي يحبها زوجي وكيفه سمن والا نحف ما علي وابسوي ريجيم وانسى الاكل لاني اكتشفت اني الضحيه اطبخ واتفنن وفي الاخير ما القى احد ياكله ولاني اخاف من ربي يحاسبني اضطر اني اكله والله تعبت ما ابغى احد يمدحني ويقول طباخه وفنانه ابغى اصير رشيقه والله صار حلم عندي نفسي اكره الطبخ واصير رشيقه مليت من السمنه ..
بنات انتم تأيدوني في كلامي هل حب الطبخ هو اللي يخلينا دببه خصوصا اذا كان اللي عندك ما يحب الاكل مثل زوجي ؟؟
جوري10 @gory10
عضوة فعالة
يلزم عليك تسجيل الدخول أولًا لكتابة تعليق.
امانوش
•
والله مش شرط انا احب اطبخ واموت فى اكلى ومن كثر مااحبه مااكل ابد منه عشان مااكل الصحن وعلى فكره انا نحيييييييييييفه مشكورات
انا تولعت في الطبخ شهر واحد اللي هو رمضان والين هاليوم وانا متضرره
تقريبا زدت في هذاك الشهر 14 كيلو وقدرت انزل 4 بس
والله المستعااان .. لكن خذت على نفسي عهد اني ماادخل المطبخ اطبخ
تقريبا زدت في هذاك الشهر 14 كيلو وقدرت انزل 4 بس
والله المستعااان .. لكن خذت على نفسي عهد اني ماادخل المطبخ اطبخ
الصفحة الأخيرة
كأنك تتكلمين عن حالتي...