charming_roro :

انا صراحة كنت زيكم بس ابغا اقلكم معلومة خطيرة الاجهزة اللي زي الجوالات والايبود والبلاي ستيشن والتلفزيون خطيرة تاثر على الدماغ لانه الاشعة اللي تطلع منها تسبب تاخر وتبلد في عملياتو ومع الوقت يبدا الطفل ينسى بنات ما تلاحظو كثرت امراض التوحد ودا واحد من اسبابها زمان ايامنا كانت بس عندنا السعودية ووقت برامجنا كانت محدودة كلها ساعة ونص وكنا ماشالله اذكية وماعندنا حالة النسيان ولدي الصغير عندو اعراض توحد ومن وهو سنتين ونص بينسى والسبب اشعة التلفزيون وحاليا انا مسجلتو في مركز اول شي طلبتو مني المديرة اقطع عنو التلفزيون والاجهزة دي اهم شي وولدي الكبير من يوم اشتريتلو الوي والبلاي ستيشن صار ينسى صار عندو نسبة غباء والكل لاحظ دا التغير يا بنات مو حلو على فكرة تقولي ولدي عندو ايبود بالعكس اقلك الله يعينك على ولدك لو دخلتيه البيت حاتتعبي معاه في دراستو تخيلي طفلك وهو لسه ماكمل 10 سنين وبينسى فمابالك لو كمان 10 سنين ايش بيصير في دماغو حاولو تمنعو الاجهزة دي يكفي التلفزيون اللي لاعب بمخ الاطفال والله يرفع عن ولدي والاولاد اللي مثلو يارب انا ام وقلبي محروق عشان ولدي وندمانة على اني كنت اخليه قدام التلفزيون اتمنى الوقت يرجع لورى وكان عدلت الشي دا بس شي وصار والحمدلله حالة ولدي اهون من غيرو

انا صراحة كنت زيكم بس ابغا اقلكم معلومة خطيرة الاجهزة اللي زي الجوالات والايبود والبلاي ستيشن...