هل لها حـــــــــــــــــــــــــــــ ـــــــــــــــــــــل؟ اكيد لها بس شنو؟؟

اختي الغاليه هذه البنوته مشكلتها مشكله اول شي هذه امها والجنه تحت اقدام الامهات ومهما سوت الام او عصبت فحرااام اصلا ترد عليها وتزعلها فمابالج اذا قالت لها كلمها ردت عليها بعشر حراام مب زين رضا الرب من رضا الوالدين وخل تحط هالشي في بالها وتحترم امها مهما كانت عصبيه ( واخفظ لهما جناح الذل من الرحمه وقل ربي ارحمهما كما ربياني صغيراا) وبالنسبه للموبايل انا مع الام ومن حق الام تخاف على بناتها وتحافظ عليهم وبارك الله فيها من ام والله يكثر من امثالهاا شوفي الاهمال وعدم المراقبه والسؤال شو جر علي بناتنا من ويلات وانحرفات مالها اخر وانتي بعدين بتشكرين امج على اللي تسويه ومن ناحيه الضرب انتي انسانه جامعيه ليش اسلوب الضرب حرااام هذيلا اطفال شو خليتي للناس اللي مش متعلمه عاملي اخوانج باسلوب ارقى شوي وبعدي عن الضرب يعني امج تحاول تفهمج لماتضربج انه الضرب يعور وتبا تحسسسج كيف حال الانسان المضروب :( مساكين خوانج الله يعينهم عليج يعني لماتنضربين شوي مب حلووو ومؤذي وياثر في النفسيه وانتي لما تضربين هالمساكين وتكفخينهم تتاثر نفسيهتم حرام عليج بعدي تماما عن اسلوب الضرب وغيري اسلوبج مع امج ومع اخوانج وبعدي عن العصبيه اللي هي من الشيطان . عاهدي نفسج من اليوم انج تحترمين الوالده وحتى لوغلطت تسكتين ماتردين وشوفي ذيج الساعه امج رده فعلها بتكون غير واسلوبها بيتغير معاج انتي غيري اسلوبج وحسسسيهم انج بنت عاجله وجامعيه وهم بيحترمونج وبيقدرونج ومحد بيغلط عليج . اقري سوره البقره كل يوم تطرد الشيطان وشوفي نفسيتج بعد اسبوع من قراءتها بتكتشفين انه خفت العصبيه وايد عن قبل .وتقربي من ربج واكثري من الاستغفار . ان شاءالله البنات يفيدونج بنصايحهم . اختج أم عبودي

:
انا بنوته صغيره مشكلتي يا ديره وفا يمكن تكون بنظرج سخيفه لكنها بنظري كبيره مررره ومأرقتني مره ومأزمه حياتي مشكلتي هي (امي)000
احترت بمعاملتي مع امي ؟؟؟!
امي عصبيه كثيررررررررر وانا عنيده وحااره وما اتحمل الحرف تقولي كلمه ارد
**(هذى امج لازم تحترمينها وعيب انج تردين عليها وهذا يغضب ربج)***
بعشر ما اقدر اسكت لدرجه انها تعايرني تقول هنديه على هالقرقه والله تعبت وانا واختي اللي اصغر مني بكم سنه عندنا جوال لا طقت الساعه عشر قالت هاتو الأجهزه طفوها وحطوها بداري رغم ان كل رفيجاتي يخلون اجهزتهم عندهم دايم مو بس رفيجاتي حتى بنات خالاتي والله وترفض اني اناقشها بالموضوع هذا ؟؟؟ 00
تعبت معاها 00
**(امج تبى مصلحتكم وخايفه عليكم من نزغات الشياطين وخاصة انتى لسه بنوته صغيره وحرص الأم واجب عليها وانتى لاتقارنين نفسج مع الناس اهم شى تعرفين ان امج تخاف عليج وهذا اكبر دليل على انها تحبج)****

اذا ضربت احد من اخواني الصغار على غلط سوه ضربتني تخيلو تضربني وانا

بالجامعه طولها واذا شكيت لها وما ضربت قالت كبري عقلج ...
**(مهما كبرتى انتى فى عين امج صغيره وهذا مو معناته انها كارهتج بس المشكله انتى ما تعرفين اشلون تجين امج بأسلوب تفهمينه انج كبرتى على الطق الأم محتاجه لبنت تقدرها وتحترمها مو ترد عليها بالعشر وتعصب)***

يعني بالحالتين مهضوم حقي ...
صرت اضرب اخواني واذا اشتكو لأمي احلف كذب اني ما ضربت شسوي اخاف تضربني طحت من عين اخواني لأنهم يدرون اني كذابه 00
**(لاتكذبين مايجوز حرام ولايجوز تضربين اخوانج انتى اختهم الكبيره ولازم يلقون الحنان والعطف والرحمه علىشان ربى يعوضج ويحنن قلب امج لج )**
وفوق كل هذا تظلمني كثير ياربي والله مظلومه وما تخليني ادافع عن حقي وابين لها
**(انتى حساسه لأنج فى سن مراهقه وما فى ام تظلم بنتها هذا تهيئات منج يمكن تمرين بظروف او مشاكل دراسيه فلا تخلين امج فى نظرج عدوه لااااااااااا هذى الأم اللى ربى والرسول وصانا عليها فلا تنسين حقها عليج )****
الأسباب صرت من الحره عصبيييييييييييييييييييييييييه كثير وبس امشي واكفخ الجهال
شسوي ضقت مرررررررررررره 00

وانا الحين علقت رجاي فيج يا ديره وفا لا تخيبين ظني 000
**(انا اشوف ياديره وفا ان البنت لازم مشكلتها تنحل عندها اقصد اذا فى احد من اهلها كبير تروح تفهمه وضعها مع امها وهنى هو بدوره يكلم الأم وبين لها تقصيرها من ناحية بنتها لأنها فى السن هذا محتاجه لعطف وحنان امها ويجب على امهاتنا مراعات البنات اللى بسن المراهقه لأن هذا سن يجب الأهتمام فيه علشان ما يتطور لأوضاع سلبيه)***

يعطيكم مليووووووووووووووووون عافيه على هالردود العسل والله فديت كل من نزف قلمه بصفحتي كفيتو ووفيتو وتحيه خااااااااااااااصه للأم عبووووووووود