هل لو كنت حلوه تقبلني

اقسم بالله بنات ماقدر اتكلم الكلام هذا
الا لكم هل لاني ماعندي نعمة الجمال
حياتي ناقصه؟؟
تصدقون اني تمنيت من وانا مراهقه للان وصل عمري٣٢اتمنى اني عادي محرومه من اي نعمه الا نعمة الجمال الجمال هو اللي يجيب لك كللللللل شي يكفي حتى الزواج والحب وكل شي مايجي الا مع الجمال وبس
ادري كثير بيسون مثاليه ويقولون الجمال مو مهم لكن بقولكم اكبر مثال انا لو عندي جمال
ماصار ذا حظي
انتم مستوعبين وصلت٣٢ماعمر احد
خطبني حتى بالكذب!!
مستوعبين كنا نروح اماكن اشوف الغزل
ونظرات الاعجاب من الحريم والبنات
بالزواجات لخواتي وقريباتي

وانا ماكاني موجوده مستوعبين
مره سافرنا اوربا مع خالتي وبناتها
وكلنا محجبين ماتتخيلون قد ايش
نظرات الاعجاب العرب ببنات خالتي
وبعضهم الخيليجن برا يلحقونهم يبي يكلمها
يبي يتعرف عليها وهي ماتعطيه وجه ماتتخيلون الغزل الي كان يجيهم كل ذا
لانهم حلوات وتزوجو بدري واخذو رجال على مستوى مب اي احد !!
لين هنا ماعلينا كنت راضيه بحظي تعرفون
ليش لان كان فيه قريب ببالي وكنت اوهم نفسي
انهم يبوني لان هالشخص من قرايبي فاتح سنابه عام
ومعروف لو اقول اسمه تقريبا اللي بالرياض بيعرفون من سنابه
فكانو خواته ذايم معاي امه تبيني وتبي امي
اقسم بالله من ايام مراهقتي لما كنت اروح بيت عمي كان يعجبني هذا واقول هذا ان شاظ الله زوجي كنت اقولها بنفسي كبرررر نا ومرت السنين واحس خواته فاهمات بس طلع اخوهم نفس افكار كل الشباب اول مابغى يتزوج شرط شرط اساسي الجمال وحدد وحده من بنات خالاته معروفه بجمالها من كانت صغيره اقسم بالله اني صرت كل ماشوف زوجته اتنح بوجهه استغفر الله استغفر الله
لدرجه اقول وش كان بيصير بالدنيا
لوًالله خلقني حلوه مثلها كان فلان حبني وتزوجني بس عشان شكلي مابغوني مع اني ك اخلاق انا مامداح نفسي لكن نفسيتي افضل منها هي فيها شوفة نفس وهو بعد ماصار مشهور صار فيه شوفة نفس وحب المظاهر والكشخه من ناحية الاقرب حنا اقرب بكل شي منهم لكن كل هذا عشان جمالها
يعني بس اللي كان واقف بطريقي بيني وبينه شكلي
ماتتخيلون قد ايش تجيني فترات
اسال نفسي ليش شكلي كذا؟
ليش شعري كذا؟
ليش فيني كذا؟
ليش انا سمراء؟
ليش ليش ليش ليش
واعرف ان كل اللي مخرب حياتي شكلي تخيلو هذا ولد عمي تزوج من سنتين الله يوفقه وفاتح سنابه عام انا حذفته من زمان لكن خواتي لما يشوفون حاط شي يرسلونه بقروبنا لان مايدرون اني كنت اتمنى هالشخص يرسلون سفره يصور كل حياته هو مع زوجته من ناحية سفر كافيهات مطاعم تمشي قسم بالله كل ماشفت سنابه تنعدم نفسيتي واكره نفسي وشكلي وكل شي