السلام عليكم ورحمة الله
الموضوع باختصار ... زوجي يدرس في الجامعة وبداية هالسنة قال لي ترا فيه عجز بهيئة التدريس للبنات
وكلفوني بتدريس كم شعبة منهم ... المهم أنا بهذاك الوقت ماتضايقت وماعطيت الموضوع اهتمام
قلت ببداية السنة يصير ألف حلال وبعد ماتوقعت نفسي ابتضايق هالكثر يوم بدا الجد ودرس ...
خصوصا ان فيه تطبيق عملي ويشرف عليهم عن قرب يعني مو بس محاضرة ويطلع ...
عدت الايام على خير بالاسابيع اللي راحت لا سألت وهو ماقال شي ... خصوصا انه من النوع الكتووووم
ولو يبي يكح يقفل عليه الغرفة يكح ويطلع كنه مسوي شي سر مايبي احد يعرف
المهم ... اليوم طالعين انا وامه واخته ...
وحنا بالسيارة رن جواله رد: (((الو ... اهلين .. ايه انا .. لا لا ابدا مافيه ازعاج .. لا لا بكره ماراح اجي مستأذن ... مادري والله مين راح يغطي مكاني ...)))
ويوم جا يسكر قال (((عفوا مين معي ... اييييه اهلن وسهلن وقفل الخط ....)))
سبحان الله قلبي كان مقبوض من اول ماقال الو ...
واعرف زوجي زين اذا كلم أنثى تتغير نبرة صوته يصير كنه وائل كفوري <<< مهوب وقت تنكيت :06:
يعني يفرق لما يكلم رجال أو بنت ...
المهم سألته خالتي مين قال طالب يسأل اذا بكره جاي ولا لا ...
قلت أنا وشلون يعرف رقم جوالك وليه يكلم على جوالك الشخصي خارج وقت الدوام و..و..
وكان عندي اسأله كثير بس استحيت من امه واخته وسكت... وهو ماكان يجاوب كان يصرفني
لما رجعنا البيت ماقدرت ارتاح اخذت الرقم من جواله ودقيت من جوالي <<< متهورة بس وش اسوي
كان لازم اعرف وارتاح ... دق مره ومرتين وثلاث وماحد رد بالاخير رد بس ماتكلم ولا أنا تكلمت ...
جلسنا اكثر من 10 ثواني ساكتين وبعدين قفل الخط او قفلت بوجهي بدون كلام ...
هنا زادت شكوكي انها بنت لو رجال كان ماسكت
رحت وقلت طلبتك طلب ريحني اللي كلمتك على جوالك تتطمن انك جاي بكره طالبه ولا طالب ...
جلس يضحك يقول والله تغارين ... قلت ايه من حقي اغار ومو من حقك تخبي علي ...
تدريس بنات وبلعتها غصب عني قلت وظيفتك وماقدر اتكلم
لكن توصل لدرجة وصلوا لرقمك ويكلمونك على رقمك الخاص وانت تدرسهم بس من اسبوعين لا ماارضى ...
المهم انتهى النقاش وهو مصمم انه طالب ومالها داعي الغيرة حتى لو كانت بنت
وانا طقتني ام العبيد وزعلت اكثر عقب هالكلمة ...
والى الحين شاغلني الموضوع حيل ومو قادرة انام ...
معي حق ولا مكبرة الموضوع ؟؟؟؟؟؟؟؟؟؟؟؟؟؟؟
*جروح قلب* @groh_klb_1
عضوة جديدة
يلزم عليك تسجيل الدخول أولًا لكتابة تعليق.
ام اقماري
•
الله يفرج همك ويريح بالك
كلي خير
•
والله يختي من حقك وهذا زوجك وطبيعي اللى تحسين فيه ..
وبعدي انتي لا تحاتين هذا عمله ورد عليه\ عليها قدامكم يعني مافيه شئ غلط ..ولو حنن صوته طبيعي يبن لهم مدى تعاونه وحسن تعامله ..
وهو تلاقينه متعود على هالشئ وهذا مدرس جامعه لا يمكن يغلط مع طالبته سمعته وصورته امامهم وهذا مدرسها اكيد بتخاف تلف وتدور معه عشان لا يسوى لها لفت نظر ..او يرسبها في مادته ..
والمفرووض ما دقيتي من جوالك من جواله دقيتي لانه بترد .. وهو ما حب يصارحك لانه ما يبي مشاكل ولا حتى تهتز صورته قدامك وهو شخص كتوم
الله يطمنك ياقلبي استودعيه ربي والله يحفظه لك ..
وبعدي انتي لا تحاتين هذا عمله ورد عليه\ عليها قدامكم يعني مافيه شئ غلط ..ولو حنن صوته طبيعي يبن لهم مدى تعاونه وحسن تعامله ..
وهو تلاقينه متعود على هالشئ وهذا مدرس جامعه لا يمكن يغلط مع طالبته سمعته وصورته امامهم وهذا مدرسها اكيد بتخاف تلف وتدور معه عشان لا يسوى لها لفت نظر ..او يرسبها في مادته ..
والمفرووض ما دقيتي من جوالك من جواله دقيتي لانه بترد .. وهو ما حب يصارحك لانه ما يبي مشاكل ولا حتى تهتز صورته قدامك وهو شخص كتوم
الله يطمنك ياقلبي استودعيه ربي والله يحفظه لك ..
هنوووني
•
طنشي حبيبتي والله لو جلستي كذا ماراح تجي اخر السنه الا وانتي تعبانه نفسيا
انتي قوليله انه المحاضر مايعطي رقمه للطالبات وفي طرق ثانيه للتواصل مثل شؤون الطالبات او مديرة القسم هذا المعروف انا درسوني دكاتره بالجامعه وكانو كذا مستحيل يعطون رقمهم لانه يعرفون البنات ولقافتهم
انتي قوليله انه المحاضر مايعطي رقمه للطالبات وفي طرق ثانيه للتواصل مثل شؤون الطالبات او مديرة القسم هذا المعروف انا درسوني دكاتره بالجامعه وكانو كذا مستحيل يعطون رقمهم لانه يعرفون البنات ولقافتهم
الصفحة الأخيرة