السلام عليكم ورحمة الله
اتوقع موضوعي مكرر لكن ودي اعرف رد على سالي الي شاغل بالي وقاهرني
قبل الدراسه ما تبداء طلبوا اولادي ان يروحوا الالعاب ودايم نروح غرناطه ويبوا العاب جديده المهم قررت اخذهم انا واخواتي ولد اختي الصغير على العاب الرياض غاليري وياليتني ما وديتهم
وربي خفت على بنتي خفت تعجبها حركات البنات لان البنات كلهم بعمرها وحركاتهم ياربي رحمتك
وحده لابسه بنطلون جينز عادي موهنا المشكله المشكله انه مشقق من اول الفخذ الين اسفل (يعني بداية الشوق من بعد الجيبه الي اخر رجلها )وكل لحمها طالع وبلوزتها قصيره والبنت عمرها بحدود 13باقي صغيره على حركات مثل كذا :44:
ووحده عمره بعد 13هي وصديقتها يمشون مع شباب لا تقولي يمكن اخوانها لا متاكده انهم موب اخوانها لان كنت قريبه منهم واسمعهم (تقول امي جالسه بالكفي واخاف تجي علينا خلاص روح انت الحين ):mad:
وموب وحده الا شلة بنات بحدود السبعه وحده ماسكة جوال وتسولف فيه والبنات الثانيات يتريقوا على خويها الي في الجوال وبصوت عالي كن مافي احد الا هم والمشكله كلهم لابسين عبايات الا وحده مدري وش تبي لابسه بنطلون وبلوزه وقاصه بوي وتمشي جنبهم كنها حارس شخصي لا تقولوا يمكن ولد لا بنت :15:
وكثير كثير بنات صغار الكبيره فيهم عمرها 15او 16 ومكياج ولبس وعبايات شي شي موب طبيعي :33:
انا خفت ان بنتي تعجبها حركات البنات بذات انهم يغازلوا الشباب عيني عينك بعد ما روحت عطيتها محاظره ابي تنتبه من البنات الي كذا ولو في منهم بالمدرسه تبتعد عنهم لان سمعتهم سئ واخلاقهم بعد :icon29:
لكن السال الي محيرني معقول في ام تقبل ان تخلي بنتها تلبس كذا او تخليها تمشي بالسوق لوحده او لو معها صديقتها او قريبتها او حتى اختها وما تعرف وش يصلحون ولا من يكلمون ؟؟؟:confused-
في امهات باقي جاهلات ان هذول مراهقات وممكن تنجرف وراء اي شي وكثير بنات سمعت منهم او قريت عنهم يهربوا من اهلهم ويسكنوا مع شباب وربي اني قارئتها منتدى تسال رائي البنات
في امهات تطلع بنتها لسوق او الي اي مكان حفلة صديقاتها او زياره مدري مين او من ذا الكلام ولا تعرف وش هي لابسه ولا تعرف هل لبسها لايق وساتر ولا لا :confused-
انا ما اقول لا تلبس البنطلون لكن في بنطلون ساتر ومرتب وفي بنطلون مشقق ومطلع لحمها
تحلف وحده انها شافت بنات يفكوا سحاب البنطلون واحيان يلبسوا سروال تحته ومنهم لا ويمشوا في الاسواق واللعاب والملاهي طيب ليه وش المطلوب من ذي الحركه :024:
انا ما الوم البنات لان البنات المراهقات يحبوا التقليد لكن اللوم الامهات الي ما تعرف بنتها وش تلبس وش تصلح ويقولون لها البنات اما في المدرسه او صديقاتها
ولا تقولوا لي الانفتاح ولا حرب ولا مدري وش لا
من زمان في بنات قليلات ادب وكانوا ياثروا على البنات لكن في وراهم امهات تمنعهم تخاف عليهم
في كل جيل فيه الصالح وفيه الطالح لكن اللوم على الام الي ماتخاف الله في بنتها وتحرص عليها زين
نيمار @nymar
عضوة فعالة
يلزم عليك تسجيل الدخول أولًا لكتابة تعليق.
الله المستعان صارت منتشره بشكل كبير والامهات الله يهديهم بعضهم يفتخرون ان بناتهم كبروا وصاروا يلبسون بهذا الشكل يعني متطورات انا صراحه اعتبره قمة الجهل وفيه امهات مايدرون عن بناتهم لاهين عنهم
لاحول ولا قوة الا بالله
لاحول ولا قوة الا بالله
هجير
•
الله المستعان والله يهديهم يارب شي يقطع القلب وين امهاتهم عنهم واكيد هم راضين عنهم والا ماتتجراء البنت كذا
والله ياقلبي عندنا بمجتمعنا صنفين من الامهات كلهم على خطأ صنف يشدد على البنت ويمنعها من كل شئ ويقيد حريتها لدرجة انه البنت ماتصدق تروح المدرسة ولا الجامعة ولا اي مكان حتى تتحرر حسب وجهة نظرها
وصنف تارك الحبل للغارب للبنات ومايدرون انهم عرضة للشهوات ورفاق السوء وتقولك انا اثق ببنتي طيب ثقي فيها ماقلنا شئ بس ترا الدنيا الحين صارت تخوف ومانقدر نثق بالناس اللي حوالين عيالنا وبناتنا
الله يعين لازم نسوي حملة توعية للاهالي كيف يهتمو بعيالهم انا اشتغل بمدرسة وانواع المشاكل تمر علي من الطالبات اللي امها مهملتها واللي امها مضيقة عليها حتى مصروف ماتعطيها رغم انها مقتدرة وهالصنفين من الامهات هما اللي يكونو شخصية سهلة الانقياد لبناتهم
يعطيك العافية
وصنف تارك الحبل للغارب للبنات ومايدرون انهم عرضة للشهوات ورفاق السوء وتقولك انا اثق ببنتي طيب ثقي فيها ماقلنا شئ بس ترا الدنيا الحين صارت تخوف ومانقدر نثق بالناس اللي حوالين عيالنا وبناتنا
الله يعين لازم نسوي حملة توعية للاهالي كيف يهتمو بعيالهم انا اشتغل بمدرسة وانواع المشاكل تمر علي من الطالبات اللي امها مهملتها واللي امها مضيقة عليها حتى مصروف ماتعطيها رغم انها مقتدرة وهالصنفين من الامهات هما اللي يكونو شخصية سهلة الانقياد لبناتهم
يعطيك العافية
الله المستعان صارت منتشره بشكل كبير والامهات الله يهديهم بعضهم يفتخرون ان بناتهم كبروا وصاروا يلبسون بهذا الشكل يعني متطورات انا صراحه اعتبره قمة الجهل وفيه امهات مايدرون عن بناتهم لاهين عنهم لاحول ولا قوة الا باللهالله المستعان صارت منتشره بشكل كبير والامهات الله يهديهم بعضهم يفتخرون ان بناتهم كبروا وصاروا...
الصفحة الأخيرة
الله يحفظ لنا بناتنا واخواتنا وبنات المسلمين من كل شر ومن اصدقاء السوؤ والله يهيدهم يارب
من جد يحز في خاطري لا شفت بنات في سن المراهقة وفي عمر الزهوور بذا الحال
وامهاتهم واباءهم فرحانين فيهم هذي المصيبة وربي
الله يهديهم يارب ويحفظهم