شوفى يا اخت على عينى اذا كنت تغارين من اى احد فهذى صفه فيك ويعتبر حسد وحقد وعلاجه الدعاء والرضا والقناعه بما لديك وزى ما قالوا لك الاخوات رددى ماشاء الله وتبارك الله حتى غصب عنك وباذن الله تروح عنك الصفه هذى وخصوصا انك كارهتها .. اما اذا كان بس من خوات زوجك فهذا يدل على ان عندك نقص تجدينه عندهم وهنا لازم تعززين ثقتك فى نفسك من هذه الناحيه وحاولى انك ماتسالى كثير عنهم وين راحوا اووين سافروا اشغلى نفسك باشياء اهم من هذى اشغلى نفسك باسعاد زوجك ونفسك واتركيهم ... وبصراحه انا استغرب من اللى تغار من خوات زوجها لان خوات زوجى مامنهم مضره وهم خواته واللى ماله خير فى اهله ماله خير فينى الخوف من اللى برا ويقدر زوجى يتزوجها ..انا هنا اغار ويحق لى وهذى غيره طبيعيه اما غيرة الاخوات ياليت مايحصل الا هى واسالوا المجربات اللى تزوجوا رجالهم عليهم...عزيزتى كرهك لهذه الصفه هو بداية العلاج وفقك الله

بقولكم شئ انا واله ماغير من اخوات زوجي بس
وتدرون مااحبهم يفرحون بس عندما اجالسه بيني وبين نفسي اقول حرام انا وش علاقتي كيفهم انا احسن منهم واطلع واسافر وليش اتعب قلبي فيهم
على فكرة علاقتي معهم متوتر علشان يمكن يكون هذا السبب

الله يعينك يا على عيني لاني اعاني من وحده مثلك هي كويسه بس ماتبغى احد احسن منها مع انها لاقيه اغلب الي تبيه وزوجها على كيفها بس تبغى تكون السباقه ومتعبتني مره لان حالي افضل من نواحي ودايما احس منها انه خساره علي النعمه وزوجي بعد خساره علي شكلي قاهرتها مدري وش قصتها ودايما تب تعرف وش وراي وش مادتي وليش مارحت المكان الفلاني هل هو عشان الماده والي يقهر اكثر الاحظها تقلدني في بعض الكلمات ويوم شافتني سنعه تسنعت مع انها موذاك الزود في السنع .بس بقولك شي كل واحد يغار والي ما يغار ...... كمليها بس الغيره لها حدود ادعي الله بالقناعه انا اتوقع انك انت حاسه انك الافضل فيمكن تستغربين عليهم بعض الاشياء مثل السفر وغيره. لي تكمله

رجعت لك حبيبتي انت فيك خصله حلوه وهي انك معترفه بغيرتك مع ان الغالبيه ينكرها وهذي بداية العلاج الاعتراف ثانيا الكل يغار ولكن بحدود ثالثا الغيره الزائده تولد الكراهيه او الحقد ادعي( اللهم لا تجعل في قلبي غلا للذين امنوا )لها مفعول قوي ومجربتها شكلك فاضيه لان الفاضي يفكر كثير حاولي تشغلين نفسك وادعي ان الله يبعد عنك الغيره وتراىغيرتك فيها نوع من الانانيه معليش لا تزعلين مني اقتنعي بالي عندك تعيشين مبسوطه كنت اشوف وحده من البنات متزوجه وضع زوجها اسوأمن وضع اخوانه وماشالله دائما اشوفها مبسوطه وتقول اهم شي اني انبسط واستغرب وضعها مو مثل حريم اخوانه الثانيات احسن ماده ووحده منهم تناظرها على كل شي وهي احسن منها حال بكثير تصدقين كنت اقول الله يعينها مادة زوجها سيئه وفيه مجاكر في اللبس والحط ومع ذلك اشوفها ولا همها والان حالها احسن ماديا بكثير وصارت يمكن افضل من حماتها وصرت حاطتها مثل لي على القناعه وان القناعه يعيش صاحبها بسعاده ومايناظر غيره خلي احساسك حب لاخيك ماتحب لنفسك في البدايه عابر ثم يتحول تدريجيا الى احساس صادق .اللهم اقنعني واياها بما رزقتنا يارب العالمين .

على عيني : اسمحيلي بكون صريحـــــــــة معك لأن أغلبية البنات

يجاملونك الله يهديهم.... ويقولون أن هذي الخصلـــــــة طبيعية

لأنهم يتحلون بها ربما؟؟

لكن لأنك كتبت مشكلتك يعني أنت عندك استعداد لسماع جميع وجهات

النظر!!!!

يا أختي مشكلتك صعبة جدآ ولازم تعالجينها لأن الأنانية وحب الذات

مسيطر عليك ..... وفيك نسبة من الحقد والغيرة في غير مكانها

واذا كنت مع خوات زوجك كذا أجل ممكن تغارين من بناتك في يوم

من الأيام

عودي نفسك أن ترتقي .... واهتمي بالأمور المهمة راحت فلانة سافرت

علانة أشغلي نفسك .....

بأمورك الخاصة وأتركي عنك ...... سفاسف الأمور وتوافهها

خلي تفكيرك أكبر من النظر للرايح والجاي

أرجوا أن لايكون كلامي زعلك ..... لكن لأني أمقت صفة الغيرة

وأكرهها

حتى والله العظيم زوجي ما أغار عليــــــــــــة..... ويقولي أنت متبلدة

لكن ثقتي بنفسي .... ريحتني كثير....