"أغلب الناس تسأل ليش نمر بها الظروف! ليش نمر بها المشاكل والحزن والهم."
"خلوني أعطيكم أمثله بسيطة: "كم وأحد فينا يعاني من الوزن الزايد ويحاول يغيره ويوصل للوزن المثالي، أكيد راح يعيش في حرمان من الأكل وراح يتعب في الرياضة ويبذل كل جهده بس علشان يوصل للوزن المثالي إلي هو يطمح له."
"كم وأحد فينا كان بخاطره يشتري شيء معين وحرم نفسه فترة علشان يجمع مبلغ ويشتري يالي في خاطره ونفسه."
"نفس الشيء أحلامنا ودعواتنا يمكن ننحرم منها فترة لكن بالأخير راح نوصل لها بإذن لله."
"بس علينا بالصبر والثبات لأن ربي يختبرنا ويشوف قوتنا وثقتنا فيه."
"إلي صبر وأنحرم من الأكل راح يوصل للوزن المثالي، وإلي صبر وجمع فلوس راح يأخذ الي بخاطره."
"وإلي يصبر ويتوسل الله ويجاهد ويدعي دائماً ويتوكل عليه في كل حين راح يوصل لأمنيته وراح يكرمه ربي ويجبر بخاطره ويرحم حاله ويستجيب له ويوصل لكل إلي يتمناه."
- أخيراً: "إن الله بكرمه سيكرمك، سيعطيك، سيعوضك، عوضاً يليق بقلبك كأنه يخبرك بأن دروب الأمل لا تندثر، وأن الحزن سيتبعك، ويصنع من أحزانك مفاجأت سعيدة."
جزاك الله خيراً🌺