هل مر عليكم ها الموقف با السوق

السلام عليكم ورحمة الله وبركاته


هذا يا طويلات العمر امس كنت با السوق باخذ غرض وارجع المحل الي ابي منه الغرض قال الاله عطلانه اسحبي من برا وادفعي كاش قلت خير اروح واسحب الا كان فيه وحده تسحب وفيه رجال بعدها وحرمه ثانيه معها تبي تسحب وانا الرابعه طبعا السحب با الدور وحنا الحريم امسوين طابور والي يجي من الرجال يصير على جنب الا فجئه جت حرمه وطنشت كل ها الصافين ووقفت ابجنب الي تسحب وتجي ثانيه مع بزارينها واتوقف مع الجهه الثانيه طبعا الدور كان على الي قبلي هي الي تسحب فا اختنا اول وحده جت الي صفت قدام بدت اتقرب اكثر يعني تبي تصير قبلي قلت لها لو سمحتي انا قبلك قامت انفخت وقالت يالله طيب قلت لها فيه طابور روحي صفي معهم لانه با الدور قامت الي جنبي ارجعت وصفت قالت هي اقول تفضلي بس يعني لايكثر طنشتها ورحت اسحب اتحسبونها ارجعت مكانها واحترمت الدور لا والله اول ما خلصت جت وراي على طول والي بعدي مسكينه اعيونها طايره يعني لو انا ما تكلمت كان ما همها جت قدامي والموقف الثاني برضو اتذكر مره كنا امسوين طابور عند الصراف قامت وحده صارت لها مشكله وهي تسحب كل اشوي تطلع البطاقه فا قامو حريم ثنتين وبكل وقاحه وصوت عالي ولا قالت المكان مليان رجاجيل السانها اطول من الرجال قالت هيييييييه ما ورانا الا انتي ابسرعه نبي انخلص امورنا طيب البنت وش ذنبها مثل ما انتظرتي انتي حتى هي كانت تنتظر وبدت التعليقات البايخه من ها الحريم الي تقووول افففففففففففف والي تقول روحي الوحده ثانيه والي تتكلم مع خويتها ويسبون الحرمه والله كلام عيب ينقال ومن حريم مسلمات والله مافيهم ذرة حيا الوحده لا مر رجال تغظ الطرف وتسكت او تقصر صوتها لحد ما يروح بس هذولي اللهم يا كافي املوسنات الله يهديهم قولو امين والله اني ما كتبت ها الموضوع الا لاني املاحظه ان ها الظاهره اكثرت والا الي تجي عند الكاشير ووراها طابور من الحرينم وتقول انانا ما عليه سواق برا ينتظر وتصير هوشه بين ها الحريم مدري ليه ما نتعلم الانضاباط والادهى والامر لو بتقولين لهم شي والا تنصحينهم ابهدوء يبدون با التريقه والا الهواش يعني تراني ملسونه وما يهمني لاتكلميني انتم لاحظتو ها الشي