هل مشروع الاكل مربح ولالا تجاربكم

مشروع الاكل بشكل عام مربح بقوة


اذا عزمتي انصحك ب الشاوما والسمبوسه
والشاهي والقهوة

ايضا الكرسبي ماشي بقوة
الله يوفقك ويفتح لك ابواب رزقه

تسلمين ي قلبي ماقصرتي والله يجزاك كل خير انا من الخبر وفكرت ابيع الجريش والكبسه بحافضات بس السمبوسه اقدر اسوي بالدقيق بس احس تعب لكن م اعرف الاسعار هل فيه ناااس تجرو من الاكل  انا سهرانه وانتظر ردودك

صلحي ورق عنب وكرنب محشي لو كنتي تضبطيه وبيعيه في البازارت
ربي يرزقك ويوسع عليك- ويرزقني ويفك ضيقتي ويشفي زوجي

اهلا بك مجددا

اختي انتي خلي بدايتك في المنتزهات الاسواق المهرجانات

كبداية لين تعرفين وسوي كرت لك فيها جوالك وانستقرام تبعك او اي وسيلة تواصل اخرى اعطيه لزباينك

السمبوسة سويها بالرقايق الجاهزة اسهل واحسن وبيعي العشر حبات بعشرة ريال

مدري صراحة عن الجريش اذا عليه اقبال او لا

اللي سمعته ان فيه وحدة كانت تبيع سمبوسه وفطاير ووو اشياء خفيفة كذا
كانت تبيع في السوق بعدين تطورت شوي وصارت تسوي فطور للمدرسات
وبعدين تقدمت اكثر وجابت عاملات وفتحت محل في السوق

ايضا اجيب لك قصة حرمة لقيتها باسطة على شاورما وفطاير وبيتزا وشاهي وقهوة
تقول كنت فقيرة وبديت شوي شوي في للبسطة لين كونت مبلغ وفتحت محل في مجمع كبير بس محلها مو للاكل
ومازالت باسطة !

في الحركة بركة وانا اختك وخاصة عندكم في الشرقيه كل شيئ سهل
اذا حاسة بصعوبة في الاكل تقدرين تغيرينها بالعطور والبخور ماشيه بعد وبقوة اخذي بالجمله بضايع وبيعي
وتعرفي على اهل المناطق اللي ماعندهم محلات بالجمله وسوقي لبضايعك وتشوفين كيف !

بالنسبة للاسعار انتي سعري حسب تعبك وخلي ربحك عشرة او 15 و5
بعد قيمة المقادير !!

موفقه

الله يوفقك ي قمر بس احس الاكل مربح اكثر من العطور