هل مشكلة صديقتي تستحق الطلاق؟!

السلام عليكم.
اخواتي احتاج مساعده ليس فقط لحل إنما لفهم مشكلة صديقتي وراح أوضحها قد مااقدر بالتفصيل.


هي عمرها 27 معيده في جامعه وراح تدرس دكتوراه بالخارج مع زوجها وموافق عا السفر. كانت متملكة وتطلقت بعدها خطبها زوجها الحالي زوجها ولد ناس لهم صيت وثري جدا ومثقف معاه ماجستير وله اعمال خاصه وهادي وحنون وكريم جدا عليها ومأمن مصاريفها ويحب انها تصرف ويحبها ومأمن لها بيت ويبغى يكتبه باسمها. زوجها مايدخن ومايشرب محرمات وماله علاقات بنات الى هنا بتقولون وين المشكلة. المشكله بدت من شهر العسل كل مره توضح اكثر او تصير اغرب على كلامها. بصراحه البنت ظاهريا الكل يحسدها لكن انصدمت جدا انه بالبداية ماكان يحب يلمسها وكان في باله شي ثاني وبعدها طلعت المشكله ان زوجها يبغاها تهينه وتسبه وقت ال .... وقال بالحرف الواحد ابي أصير مثل الكلب لك!!! وسميني كلب المشكله زادت وصار يطلب انها تضربه ويبغاها تسبه بالفاظ جدا مقززه ودورها كبنت انعكس صارت تحس انه بدون شخصيه وانه يبغى دور الرجل لها رغم انه العكس تماما ايام الخطوبه
اعرف ان المشكلة غريبه ومحرجه بس امانه لو اي احد مكانها ايش بيسوي؟ وهل هذا تصرف طبيعي من الرجال في الأوقات الخاصه؟! المتعارف عليه ان الرجل يبي يمشي كلمته ويتسلط مو العكس ؟! هل هي مشكله تستحق الطلاق ؟!


رجاءا الي عنده راي بدون غلط او تجريح لان محد ضامن انه يبتلى بمثلها.