هل معاه حق يتركني خطيبي لهذا السبب مخنوووقه و احس بضيقه فضيعه

السلام عليكم ورحمه الله وبركاته


أخواتي

ابوي هذي دائم شروطه على اي خاطب يتقدم لي ولاخواتي

إن الملكه على ابوي و راح تكون فترتها من 4 الى 3 شهور و فيها مكالمات و زيارات بس بحد المعقول و الزواج يكون على العريس كله

تقدم لي شاب وصارت الشوفه وارتحنا لبعض

ولمن جينا على الشروط قال لهم ابوي ما راح احدد موعد الملكه اللين تحددون لي موعد الزواج قال الشاب خليها بالتيسير قال ابوي لا ابغى اطمن على بنتي قال الشاب في شهر 6 قال ابوي لا ابغى تاريخ واليوم الي بتحدد فيه زواجك في هشر سته ابغى اطمن على بنتي
قال له ابوي اذا انت عندك ظروف ماليه اللحين وماتقدر اصبر عليك اللين تكون نفسك و تحدد لي الزواج وبعدها احدد لك موعد الملكه وابوي يخاف الله في ولد الناس ولا يكلف عليه فوق طاقته بالعكس يقوله ابغى التيسير في كل شيء

طبعا الشاب رفض الفكرة واعتبر ابوي يلصقه فينا بالغصب ولارد علينا طبعا ولا صار نصيب وطبعا الشاب مقتدر

ابوي يخاف علينا لان كثير من بنات جمعتنا تطلقوا ولا حددوا لهم موعد الزواج و كثير من قريباتي معلقات كل ما يقولون لخطابهم متى الزواج يقولون لهم بعدين بعدين

عشان كذا ابوي يخاف علينا

ومهما تكلمنا مع ابوي نهائي ما يغير فكرته لو ايش مرة ميبس راسه

الصدق مررررررررررررررررررررررررررة متضاااااااااااااااااااااااااااااااااااااااااااااااااااااااااااااااااااااااايقة و مخنووووووووووووووووووووووووووووووقه و احسن نفسي بأنهار و عقلي و تفكيري بالشاب
وبالزواج و المصير

والله يابنات اني في هم ما يعلمه الا الله اخاف يتقدمون لي غيره من الخطاب و يرفضون فكرة ابوي و يقطع نصيبي

بس ابوي يخاف علينا و معاه حق

والله اني ابكي كل يوم وابغى انسى الشاب ماني قادرة والله رحت السوق رحت لاماكن كثيرة ماني قادرة افتكرة في كل زاويه
والصدق ماني طايقه ولا كلمه من ابوي احسه قطع بنصيبي وبعدها اتعوذ من الشيطان وافكر واقول خيرة بس وربي ما قدرت

ساعدوني الله يوفقكم ولا تتركوني وربي اني بحال ما يعلمه الا الله الله يوفقكم كونوا معي والله مالي غيركم يابنات حواء اوقفوا بجنبي

وادعوا لي ان ربي يرزقني بالشاب الي يرضى بشرط ابوي و يسعدني دنيا وآخره
هل شرط ابوي غلط؟