هل معي حق ازعل اولا اسمعوا واحكموا

السلام عليكم اخباركم انا صايرهع معاي مشكلة مع زوجي انا الحمدلله زوجي راتبه كويس بس صراحه وضعنا وضع ناس راتبهم قليل مادري وش اقول زوجي مرات تحسونه كريم يدفع بسخاء واحيانا يجيه حاله اقرب للبخل مادري هو حرص زياده المهم انا قبل فترة طلبته يشتري لي ايفون وازن عليه مافيه فايده يقول مظاهر مالها داعي وجوالي يفشل مكسر وحالته حاله ورفض رفضا قاطعا المهم طنشت عنه الحين يوم رحت السوق قلت خلنا نغير جو ودخلنا محل وشريت للاولاد بجامات ويلوفرات للبرد وكل واحد شريت له وش ناقصه وبعد كان ورانا سفر قلت بالمره اشتريلهم للبرد المهم طلع هو محل ثاني واعطاني بطاقته هذه البطاقه غير اللي عنده احيانا يخليها معاي واحيانا ياخذها زي كذا ويوم شاف الفاتوره 500 وشوي عصب علي قال انت جايه تغيرين جو وتتمشون والحيين تاخذين بالمبلغ هذا وسحب مني البطاقه ورميتها ورجعنا البيت بعد ماكنا مخططين نروح لمكان ثاني المهم زعلت كم يوم وتراضينا قبل مانتراضى ارسل مع بنتي ظرف وفيه مبلغ 600 او 700 مافتحته لاني كنت زعلانه وقال ايش بارضى بالفلوس المهم اخذتها وخبيتها وبعد فتره تراضينا طبعا لسه ماصرفت منها شى الى امس صارت مشكله ثانيه قدام العيال ووقالي امكم هذه مجنونه مو في عقلها على الرغم دايم انبهه مايغلط على قدام الاولاد حتى لما هما يقولوا كلمه مو حلوه عني يعصب عليهم لكن هو ينسى نفسه لما يعصب صح اعترف اني نرفزته لما قهرني بس اني ماغلطت عليه لانه الهوشه صايره قدام العيال ومابغى اقلل من احترامه وهيبة ابوهم فاهاوش بدون تجريح لكن يجي هو ويقولي مجنونه لا ويعيدها بعد حتى بنتي قالت يابابا ماما احلى وحده في العالم صح قال ايه ايه احلى وحده بتريقه المهم اخر شى قلت وش عيشه الفقر هذه قام قال فقر هاه هات الفلوس اللي اعطيتك هي والله ماعاد تشوفي شئ جيت قلت خذها وانا مابغى الفلوس اللي تجي بدون نفس وبمنه ورميت الظرف على الفازه طبعا لي الحين اسبوع ماكلمه ولايكلمني اطبخ واسوي فطوره وكل شئ الا الكلام حتى المشاوير ماخرج معاهم يطلع والعيال ويشترون ساندويتشتات ولايحسب حسابي ونايم بغرفته طبعا لحاله هذه يمكن شراره المشاكل كلها الحين قولوا وش اسوي انا عارفه مصيره بيرجع كيف ارد اعتباري واهانتي بشتمي وسحب الفلوس مني انا فكرت انه يعتذر لي قدام الاولاد باي طريقه والفلوس بارفضها اذا رجعها ها وش رايكم اعطوني اقتراحاتكم


اهلين بنات تفكرونها الفلوس ترضيه كذا بلاش لاهذه انا اطالبه من زمان ابغى اجهز لملكة اختي فلقاها فرصه ويشوفها شئ بالله هال 600 و700 وش تسوي فستان والا كوافيره والكماليات الثانيه