هل معي حق يوم صارحت عنتي

مساء الخير انا ساكنه بجنب أهل زوجي نظامهم ما تجين الا اذا نادوك فحترمت رغبتهم وعرفت نظامهم واصلا انا ما أثقل من ناحية زياراتي لهم الرسميه زينه بناتهم يجتمعون كل اثنين وخميس فعمتي تتصل علي كل أسبوعين مره او في الشهر مره وتحدد لي يوم الثلثاء واسير عليهم ما اطول بالكثير ساعه او اقل بس اذا رحت احسهم يتملمولون مني مدري بناتها الغير متزوجات اول ما ادخل تبدأ عمتي تناديهم وتجرجرهم عشان يجون يسلمون علي والوحده اذا جلست كنها جالسه على دبابيس ومافيه سوالف ولا شي تخيلو اخت زوجي جالسه في ركن وتقولها امها فلانه اتركي الجوال وتعالي سولفي قالت ما عندي سوالف وحتى عمتي تقوم وتتركى وتلزم الصمت حاولت الطف الجو وادخل مواضيع حلوه واوريهم فديو في جوالي وماش الملل مني واضح عليهم حسيت ان زيارتي لهم هم على قلوبهم وودهم بس أسير واروح والله انا مو مدح لنفسي ناني شايفه حالي او ثرثاره او أتدخل في خصوصياتهم الي انا مستغربه اني في بداية زواجي اذا اتصلت ابسير عليهم قالت عمتي الله يحييك بس ليتك تخلينها الخميس عشان البنات بيجون وهم ودهم يشوفونك والله انهم يحبونك واحترم رغبتها واسير الخميس وما أطول في الزياره واثقل دمي ولا اروح اطب عليهم كل ما جو بناتها انا احترم الخصوصيه طيب ليش الان تناديني اذا راحو البنات او قبل ما يجون بيوم ليش، وش السبب ادري انكم بتقولون البنات بيجلسون مع امهم ويأخذون راحتهم ادري والله ادري واحترم ها الشي بس مو لها الدرجه ما اشوفهم ابد يا كافي حاولت كذا مره اعزمهم ويتعذرون وقليل يوافقون واذا جو كنهم داخلين كهف ودهم بس يروحون اخر مره قبل اسبوعين ارسلت عمتي لي الأربعاء قالت تعالي المغرب طبعا لان بناتها بيجون الخميس ورحت وكا العاده اول ما دخلت بدت تنادي بناتها يجون يسلمون وتجرجر ولويه انا مسكتها قلت عمه ارتاحي خلي الكل على راحته انا جايه اسلم عليك شوي واطلع وسولفت خمس دقائق وشلونكم عساكم بخير وبعدين دخلت بنتها وسلمت وجلست على جوالها وساد الصمت وانا استأذنت قلت أكرمكم الله وانا مبتسمه واودع عمتي واروح لبيتي وامس الثلثاء تتصل عمتي تبيني اجيهم واعتذر قلت وشرايك ياعمه تسيرين علي انت ها المره نتسلى انا وياك وتعرفين برد وما اقدر اطلع ببنتي قالت اوكيه وجت وجلسنا نتقهوى قالت وش فيك صرتي تتعذرين ما تجينا قلت والله يا عمه انتم اعتبركم أهل بس ابي اعرف هل في خواطر البنات شي قالت لا ابد قلت مدري يمكن صادر مني شي وضايقهم لاني حسيت قالت لا ابد